Kagami biraki

Kagami biraki (鏡開き, Kagami biraki^?) utawi kagami wari (鏡割り, kagami wari^?) inggih punika upacara tradhisional mandhapaken lan dhahar kagami mochi ingkang dados sajèn taun énggal ing Jepang kanggé arwah utawi déwa taun ing Jepang Upacara punika dipunwontenaken minangka lambang atur panuwun dhumateng para déwa. Kagami mochi dipundhahar mawi pengajeng-ajeng kasingkir saking lelara lan dipunparingi kasarasan ^[1].

Asal usul

Kulawarga samurai gadhah tradisi majang yoroi (klambizirah) kanggé nyambut taun énggal. Mochi ingkang dados sajen kanggé yoroi dipunsebat gusoku mochi (具足餅, gusoku mochi^?). Bibar taun énggal kapungkasan (dinten kaping 20 taun énggal), mochi dipungodhog minangka zōni kanggé ngrayakaken Hatsuka (刃柄, Hatsuka^?). Mochi kanggé sajen dipunparingaken wonten ing nginggilipun papan pengilon (kyōdai, 鏡台) saéngga dipunwastani kagami mochi (arti barès: mochi cermin). Hatsugao (初顔, Hatsugao^?) punika sebatan kanggé upacara mandhapaken lan mecah mochi sajèn dipunlampahi déning tiyang èstri. Saking kulawarga samurai, tradisi dhahar kagami mochi dados wiyar dhateng kalangan masarakat biyasa.

Angin ing mangsa adhem damel kagami mochi ingkang dipunpajang minangka sajèn dados atos. Nugel mochi mawi barang ingkang landhep dipunasosiasi kaliyan seppuku, Awit saking punika, kagami mochi dipunpecah ngginakaken tangan utawi pukul kayu. Kagami (pengilon) punika dados lambang gayutan ingkang saé lan harmonis saéngga kagami bitaki ngandhut teges miyaraken gayutan saé. Dhahar panganan ingkang atos kados mochi punika dipunpitadosi saged damel waja langkung kuwat. Pungkasan tiyang ingkang gadhah waja ingkang waras lan kuwat umuripun ugi dawa.

Tanggal karaméan

Miturut tradisi, upacara punika dipunwontenaken nalika tanggal 11 wulan 1 (11 Januari)^[2] Bibar sajen kanggé déwa taun (toshigami) dipunmandhapaken minangka tandha kapungkasan periode Matsu no Uchi (7 Januari). Sadèrèngipun, upacara punika dipunwontenaken nalika tanggal 20 wulan 1 kalender lama bibar kapungkasan periode Matsu no Uchi ing taun énggal alit (koshōgatsu) tanggal 15 wulan 1 kalender lawas. Tanggal 20 wulan 1 dados dinten sial lan boten dados dinten upacara kagami biraki bibar sedanipun Tokugawa Iemitsu nalika jaman Keian tanggal 20 wulan 4 kalender lawas (taun 1651 kalender Gregorius). Pengetan dinten sedanipun dipulampahi saben wulan ing tanggal 20. Awit saking punika, tanggal karaméan upacara kagami biraki dipunpindhah dados tanggal 11 wulan 1 (kalender lawas) bibar kapungkasan periode Matsu no Uchi. Dipunpindhah dinten kagami biraki dados tanggal 11 wulan 11 ksaged ugi amargi sareng kaliyan upacara kurabiraki (蔵開き, kurabiraki^?) ingkang dipunlampahi déning kulawarga pengusaha utawi ingkang gadhah bisnis. Kurabiraki (arti barès: mbikak gudang) punika karaméan mbikak gudang kapisan nalika hari beruntung nalika wiwitan taun énggal (tanggal 11 wulan 1).

Ugi pirsani

Shinnenkai

Cathetan suku

↑ Kagami Biraki Archived 2016-03-05 at the Wayback Machine., (dipunakses tanggal 13 Fèbruari 2013)
↑ Minuman Jepang Archived 2012-09-06 at the Wayback Machine., (dipunakses tanggal 13 Fèbruari 2013)

Pranala njawi

Sake Barrel Ceremony "Kagami-Biraki" Archived 2011-10-01 at the Wayback Machine.

[kagami1-1] Kagami Biraki Archived 2016-03-05 at the Wayback Machine., (dipunakses tanggal 13 Fèbruari 2013)

[kagami2-2] Minuman Jepang Archived 2012-09-06 at the Wayback Machine., (dipunakses tanggal 13 Fèbruari 2013)

[1]

[2]