Kaisar Chongzhen
Kaisar Chongzhen (Hanzi: 崇祯, 6 Fèbruari 1611-25 April 1644) ya iku kaisar angka 16 lan kang pungkasan saka Wangsa Ming.[1] Dhèwèké nguwasani tahta saka taun 1627 nganti tekan 1644.[1]
Lair mawa jeneng Zhu Youjian (朱由检), wujud anak nomer lima saka Kaisar Taichang.[1] Chongzhen gedhé ana ing lingkungan kang rélatif tentrem amarga dhèwèké wujud putra ragil saka Kaisar Taichang kang ndadèkaké objèk kanggo rebutan kakuwasan kaya kang tau dialami déning kakangné, Kaisar Tianqi.[1]
Taun 1627, kakangné mangkat lan dhèwèké kang marisi tahta, umuré nalika jaman semana nembé 16 taun.[1] Ora kaya kakangné kang gumantung marang kasimé, Wei Zhongxian, dhèwèké duwé usaha kanggo mimpin papréntahan kanthi indhepèndhen.[1] Chongzhen nyingkiraké Wei lan Selir Ke kang wis suwé mimpim papréntahan kanthi ora langsung.[2] Wei diasingaké menyang Fengyang, provinsi Anhui lan ana ing kana dhèwèké mati.[1] Semana uga 262 kroni-kroni Wei, kabèh diasingaké, dipecat, lan dièksekusi saka préntahe.[1]
Chongzhen ngusahaké kanggo mimpin papréntahan tanpa gumantung marang para kasim lan sabisa-bisané nylametaké wangsané kang wis bobrok.[2] Dhèwèké uga sregep teka ana ing rapat-rapat papréntahan. Nalika krungu pageblug kurang pangan ana ing sawijing tlatah dhèwèké mènèhi préntah kanggo nangani kanthi rikat.[2]
Émané ya iku, niyat beciké Chongzhen kaalangan déning korupsi kang wis ana ing papréntahan lan kas nagara kang wiwit èntèk.[2] Perkara iki ngangèlaké dhèwèké kangggo golèk pejabat kang kompetèn kanggo ngisi posisi wigati ana ing papréntahan.[2] Kang luwih parah manèh ya iku sipat saka Chongzhen kang paranoid, dhèwèké luwih cubriya marang pejabat-pejabat kang kompetèn lan nibakaké ukuman pati kanthi sembrana marang para pejabat mau.[2] Salah sijiné kang dadi kurbané ya iku Yuan Chonghuan, jéndral kang duwé jasa gedhé kanggo nahan serangan suku Manchu ana ing wates lor.[2]
Cathetan sikil
besutPranala njaba
besutCheng Qinhua, Tales of the Forbidden City, Bejing: Foreign Languages Press, 1997.
| Didhisiki déning: Kaisar Tianqi |
{{{jabatan}}} (Wangsa Ming) 1627–1644 |
Diganti déning: Kaisar Hongguang |
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |