Kamera Polaroid
Kodhak Polaroid utawa kang luwih misuwure diwastani mawa kodhak langsung dadi ya iku jinisé kodhak kang bisa nggawe foto dhéwé ing jero kodhak sawisé difoto.[1] Kodhak polaroid iki migunakaké filem mirunggan kang diarani filem polaroid.[1] Film polaroid kang bisa ngasilaké gambar kang ana wernane jenenge filem polacolor.[1] Miturut sejarahe, kodhak polaroid digawé pisanane déning Edwin Lan, saka prusahaan Polaroid lan dipasarake wiwit taun 1947.[1] Jeneng Polaroid iku sajatiné merk dagang, kaya déné ngarani odol mawa jeneng Pepsodent, utawa wong ngarani montor mawa jeneng Honda.[1]
Sajarah
besutBocah wadon cilik umuré 5 taun kang diajak kaluwargane piknik menyang Santa Fe ing New Mexico, takon marang Bapakne kang nembé waé moto, kenapa kok ora bisa ndelok gambar asile moto bapakne langsung pas iku? pitakonan kang kedadeyan ing taun 1943 iku nggawe bapakne, Dr. Edwin Land kepikiran kanggo ngrancang sistem fotografi kang langsung dadi.[1] Jebul omongane bocah kang angger ngomong iku bisa kadadéan.[1]
Werna foto polaroid pisanane ya iku sepia, coklat rada abang, lan ukurane 3 ¼ x 3 ¼ inci (8x10,5 cm), dadine gambar mbutuhake wektu samenit.[2] Tahun 1950 metu génerasi filem kang bisa ngasilaké warna foto ireng, génerasi foto ireng putih langsung dadi diwiwiti. Rikala iku wis punjul 4000 toko kang ngadol kodhak polaroid iki menyang Amérika.[2] Rikala taun 1951 dikenalake ID polaroid kang sapisan, uga panggung kodhak kanggo kodhak-kodhak profésional.[2] taun 1952 kodhak polaroid modhèl 110 metu kang dijangkepi déning diafragma.[1]
Foto warna polaroid nembé kacipta taun 1963, sawisé panaliten lan pengembangan suwéné 15 taun kang suwé lan nggawe kesel. Foto utawa filem langsung dadi iki diarani Polacolor.[2] Barengan karo iku dikenalake filem langsung dadi mawa formay anyar mawa sistem prosès kadadéan ing njaba kodhak, ngowahi tradisi "pantang kena srengéngé sadurungé diproses".[2] Nganti rikala sadurungé iku, filem polroid isih wujud rol, wektu pangembangane ana ing jero kodhak.[2] taun 1963 polaroid manuhaké pengontrolan otomatik ing bukaan diafragma, kecepatan rana lan lampu kilat mawa tèknologi elektronik anyar ing jero kodhak.[2] Sukses kang kang wis ana ing tangane Edwin Land ora nggawe atine puas.[1] Mula taun 1967 dhèwèké ngadhegake pabrik anyar supaya ngembangaké proyrk anyar.[1] Evolusi pembaruan ing sintem fotografi langsung dadi iku akhire metu manèh taun 1972, ya iku sistem polaroid SX-70.[2]