Kasada

Upacara Kasada ya iku upacara sing dianakaké déning masarakat Tengger, uga sinebut Upacara Yadnya Kasada. Upacara kasada dianakaké saben sasi Asuji utawa Kasada (sasi kaping 12) taun Saka, ing wayah wengi. Upacara iki dianakaké ing Poten Sagara Wedhi, cedhak Gunung Brama.

Barkas:Kasada.jpg

Upacara Kasada ing Brama

Ubarampé

Ubarampé sing diprelokaké ing upacara kasada ya iku ongkek-ongkek sing isiné asil bumi, ingon-ingon kanggo dilabuhake ing kawah Gunung Brama, banyu suci saka pitung sumur, kitab suci weda, mandala utama kanggo panggonan dukun, gamelan, kembang setaman, lan dwipa.

Tata Cara Upacara Kasada

Sadurungé dianakaké Upacara Kasada, adaté para sesepuh nemtokaké dina lan wektu sing trep supaya upacara bisa lancar. Ing Upacara Kasada iki, saliyané labuhan sesaji uga ana ritual liya, ya iku nglukat umat lan pelantikan dukun. Upacara Kasada tujuané ya iku kanggo ngenang pangorbanané Hadi Kusuma kang dadi tumbal lan digawa lunga Sang Hyang Widi ing legenda Rara Anteng lan Jaka Seger, sing dadi leluhuré masarakat Tengger.