Kedhung Pengilon
Kedhung Pengilon inggih punika salah setunggaling kedhung wonteng ing tengah wana ingkang nggadahi papan teng Dhusun Petung, Dhesa Bangunjiwo, Kecamatan Kasihan, Kabupaten Bantul, Daerah Istimewa Yogyakarta (DIY).[1][2][3][4] Kedhung puniki dipunbikak kangge wisata wiwiting warsa 2009.[5]
| Kedhung Pengilon | |
|---|---|
.jpg) Kedhung Pengilon dipun tingali saking ngajeng | |
| Jinis | Wisata Alam |
| Papan | Dhusun Petung, Dhesa Bangunjiwa, Kecamatan Kasihan, Kabupaten Bantul, Daerah Istimewa Yogyakarta (DIY) |
| Dibuka | 2009 |
| Kang ngrumat | Pemerintah Kabupaten Bantul |
| Status | Dipun bikak (sakdawane dinten) |
| Sarana |
|
Kahanan Umum
besutKedhung Pengilon papan sawentawis 200 mèter saking pemukiman wargi. Saking papan parkiran kendaraan ingkang wonten ing latar griya salah setunggal wargi, gemericik toya angsal kapireng amargi kawontenan ing ngrika saestu tenang. Kangge dugi ing kedhung, betah mlampah sawentawis gangsal menit medal margi setapak. Sesampainipun ing Kedhung Pengilon, pengunjung badhe nyumerepi toya terjun kaliyan keinggilan kirang langkung 10 mèter kaliyan perangan ngandhap rupinipun kolam berdiameter 15 mèter.[1]
Toya wonten ing Kedhung Pengilon ketingal gadhah warni biru amargi dipunpengaruhi batuan wadas biru ing andhapipun.[5]
Fasilitas
besutKedhung Pengilon ugi dipunjangkepi kaliyan pinten-pinten fasilitas, antawis sanes wonten margi setapak kangge tumuju sumber tuk toya, gazebo, ban pelampung, papan kanggo parkir lan wingking.[2][6]
Mitos
besutKedhung Pengilon nggadhahi pinten-pinten rumor ingkang kesebar, antawis sanes menawi kedhung kasebat gadhah penunggu ingkang nguwaosi papan kasebat lan siap mangsa wekdal punapa mawon. Salah satunggaling penunggu enggal ing ngrika inggih punika Nyi Blorong. Rumoripun Nyi Blorong mangsa lare jaler ingkang umur welasan saha dereng emah-emah. Nyi Blorong mangsa para korbanipun kaliyan cara nenggelamaken mangsa-mangsanipun dhateng dhasar kedhung. Kejawi rumor kasebat, wonten criyos menawi kathah tiyang-tiyang ingkang dugi dhateng Kedhung Pengilon sanes kangge berwisata utawi nikmati pemandangan, nanging kangge madosi berkah supados angsal sedaya kekajenganipun. Tiyang ingkang dugi dhateng Kedhung Pengilon kaliyan tujuwan kasebat ugi warni-warni, wiwit saking calon pejabat ngantos anggota Dewan Perwakilan Rakyat (DPR).[7] Kedhung Pengilon bakal tambah rame minangka wekdal pemilu, utaminipun ing dalu Jemuwah Kliwon utawi Slasa Kliwon. Wonten ing Kedhung Pengilon puniki rumiyin Sri Sultan Hameng Kubuwana IX asring dugi kangge menyepi. Saking criyos masyarakat ugi dipunsebataken paksi gadhahipun Keraton Ngayogyakarta Hadiningrat ingkang ical ndadak dipunpanggihaken ing Kedhung Pengilon.[5]
Rujukan
besut- ↑ a b Media, Kompas Cyber (2016-02-24). "Air Terjun Kedung Pengilon, Bisa Bercermin di Air Saking Jernihnya Halaman all". KOMPAS.com (ing basa Indonesia). Dibukak ing 2023-10-09.
- ↑ a b "Obyek Wisata Kedung Pengilon, Tempat Kemah Dengan Sumber Mata Air Alami". Tribunjogja.com (ing basa Indonesia). Dibukak ing 2023-10-09.
- ↑ "Foto Sensasi Berenang di Jernihnya Air Terjun Kedung Pengilon Bantul". www.viva.co.id (ing basa Indonesia). 2016-09-22. Dibukak ing 2023-10-09.
- ↑ "Kedung Pengilon, Objek Wisata Tersembunyi di Bantul | rembuk". rembuk.republika.co.id (ing basa Indonesia). Dibukak ing 2023-10-09.
- ↑ a b c Media, Harian Jogja Digital. "Kedung Pengilon, Tak Hanya Jadi Tempat Wisata, Tapi untuk Ritual". Harianjogja.com (ing basa Inggris). Dibukak ing 2023-10-09.
- ↑ "Kedung Pengilon yang Tersembunyi di Bantul Yogyakarta - Yogyakarta". ksmtour.com (ing basa Indonesia). Dibukak ing 2023-10-09.
- ↑ Creators, Z. (2023-08-11). "Wisata Alam Kedung Pengilon, Hidden Gem di Jogja dengan Misteri di Balik Keindahannya - Indozone Travel - Halaman 2". Wisata Alam Kedung Pengilon, Hidden Gem di Jogja dengan Misteri di Balik Keindahannya - Indozone Travel - Halaman 2 (ing basa Indonesia). Dibukak ing 2023-10-09.