Kerapan Sapi Brujul
Kerapan Sapi Brujul inggih punika kerapan lembu ingkang katindakaken wonten ing sabin ingkang kaelepan toya. Acara punika dumunung ing Kabupatèn Prabalingga nalika badhé tanem pantun.[1] Bèntenipun kaliyan kerapan lembu Madura inggih punika menawi lembu saking Madura lembu kalantih, wondéné lembu saking Prabalingga namung lembu ingon-ingonan utawi kanggé mluku sabin. Lembu ing Kerapan Sapi Brujul anggadhahi pawakan ingkang longgor utawi ageng.[2] Kawit 2019, Kerapan Sapi Brujul resmi kaakeni déning Pamaréntah Républik Indonésia minangka salah satunggaling Warisan Budaya Sanès Barang salebeting bab kawruh kaliyan padatan babagan alam kaliyan jagat rat.[3]
Wedharan
besutKerapan Sapi Brujul dipun wiwiti nalika kadang tani bosen anggènipun mluku ing sabin. Ing sakawit, kerapan kagelar tanpa bebingah, nanging kerapanipun regeng tur dados kawigatosaning bebrayan.[4] Sapréné, Kerapan Sapi Brujul sampun wonten lumba-lumba kaliyan fèstivalipun. Sadèrèngipun kerapan, lembu kerapan dipun sukani jamu kaliyan puluhan wiji tigan rumiyin amrih rosa anggènipun mlajeng.[5] Ugi dipun pijeti awak saha sukunipun saperlu ngendhokaken ototipun lembu.[2] Ing acara punika, sapasang lembu mlajeng ing lintasan 100-an mèter mawi amba sabin 50-an mèter.[5] Ancas kawontenaken tradhisi punika kagem sarana silaturahmi antawising kadang tani, paguyuban, kaliyan pamaréntah. Kajawi punika, sabin ingkang kaliwatan lembu inggih dados gembur.[6]
Rujukan
besut- ↑ Rochman, Aman (7 Sèptèmber 2019). "Probolinggo cow race becomes annual tourism spectacle". The Jakarta Post. Dibukak ing 18 Fèbruari 2023.
- ↑ a b Hasan, Ibrahim (13 Sèptèmber 2021). "Keseruan Festival Sapi Brujul Probolinggo, Hiburan Petani Jadi Warisan Budaya". Merdeka.com. Dibukak ing 18 Fèbruari 2023.
- ↑ "Kerapan Sapi Brujul". Warisan Budaya Takbenda Indonesia. 2019. Diarsip saka sing asli ing 2023-02-18. Dibukak ing 18 Fèbruari 2023.
- ↑ "Menelusuri Asal Muasal Kerapan Sapi Brujul di Probolinggo". Liputan6.com. 3 Agustus 2018. Dibukak ing 18 Fèbruari 2023.
- ↑ a b Rofiq, M. (28 Fèbruari 2019). "Karapan Sapi Probolinggo, Tidak Kalah Seru dengan Madura". detikTravel. Dibukak ing 18 Fèbruari 2023.
- ↑ Rofiq, M. (7 Sèptèmber 2019). "Probolinggo Juga Punya Karapan Sapi yang Seru". detikTravel. Dibukak ing 18 Fèbruari 2023.
Pranala jawi
besut- Warisan Budaya Dudu Barang Indonésia Archived 2023-09-07 at the Wayback Machine.