Konrad Zuse

Konrad Zuse (dilafalaké [ˈkɔnʁat ˈtsuːzə]; lair ing Berlin, 22 Juni 1910 – pati ing Hünfeld, 18 Dhésèmber 1995 ing umur 85 taun) ya iku sawijining tokoh tèknisi sipil kan kang dadi perintis komputer. Pencapaian paling gedhéné ya iku komputer panyampurna Turing fungsional pisanan kang dikendhalèkaké déning program, Z3, ana ing taun 1941 (program iku disimpen ana ing tape kertas). Zuse nampa Werner-von-Siemens-Ring ana ing taun 1964 kanggo penemuané mau.

Konrad Zuse ing taun 1992

Zuse uga ngrancang basa pamrograman tingkat dhuwur pisanan, Plankalkül, pisanan diterbitaké nalika taun 1948 kang wujudé téorètis, amarga basa pamrograman iku durung diimplemèntasikaké ana ing sakdawané urip lan ora kanthi langsung duwé prabawa marang basa pamrograman ndhisik. Salah siji panemu ALGOL (Rutishauser) nulis: "Pacoban kang pisanan kanggo nemu basa algoritma dilakokaké nalika taun 1948 déning K. Zuse. Notasiné cukup umum, nanging proposal mau iku ora tau nganti tekan tetimbangan kang patut ditampa."

Saliyané karya ana ing babagan tèknik, Zuse uga gawé salah siji bisnis komputer ana ing wiwitan taun 1946. Perusahaané iku gawé Z4, kang dadi komputer komersial nomer loro kang diséwa déning ETH Zuerich ana ing taun 1950. Nanging amarga Perang Donya II, karya Zuse akèh kang ora kacathet ana ing Amérikah Sarékat lan Britania Raya; kamungkinané prabawa pisanané kang kadhokumèntasi ing perusahaan AS ya iku pilihan IBM lan patènné ana ing taun 1946. Nalika pungkasan taun 1960-an, Zuse mengusulaké konsèp Rechnender Raum (babagan dhedhasar komputasi).