Lenga gorèng
Lenga gorèng ya iku lenga kan asalé saka gajih tuwuhan utawa kéwan kang dimurnèkake lan wujudé cair ing suhu kamae lan racaké kanggo nggoreng panganan.[1] Lenga goreng saka tuwuhan racaké saka tuwuhan kaya kelapa, winih, kacang, jagung, kedele, lan kanola.[1]
Rusake lenga gorèng besut
Lenga gorèng racaké bisa digunakaké nganti ping 3 utawa 4 panggorengan.[2] Yèn digunakaké terus-terusan, warna lenga bakalan maleh.[2]
Rikala dianggo nggoreng, ikatan rangkap kang ana ing asem lemak tak jenuh bakal pedot lan mbentuk asem lemak jenuh.[2] Lenga kang apik ya iku lenga kang ngandut asem lemak tak jenuh kang luwih akèh tinimbang karo kandhutan asem lemak jenuhe.[2]
Sawisé dianggo ping prang-pirang, asem lemak kang ana ing lenga bakal saya jenuh.[3] Kaanan kang kaya ngono diarani lenga jelantah utawa lenga wis rusak.[3] panganggo lenga kang ping pirang-pirang bakal nggawe ikatan rangkap lenga teroksidasi mbentuk gugus peroksida lan monomer siklik, lenga kang kaya ngono wis rusak lan ora apik kanggo kasarasan.[3] Suhu kang saya dhuwur lan saya suwé manasi, nyebabake kadar asem lemak jenuh bakal saya munggah.[3] Minyak nabati kang duwé kadar asem lemak dhuwur bakal njalari panganan kang digoreng dadi mbebayani kasarasan.[3]
Saliyané amarga dianggo nggoreng bola-bali, lenga bisa rusa amarga kesuwen disimpen saéngga ikatan trigliserida pecah dadi gliserol lan asem lemak bébas.[3]
Sumber besut
Biasane lenga gorèng asalé saka lenga kelapa sawit.[4] Lenga kelapa bisa minangka nggoreng amarga struktur lengane kang duwé ikatan rangkep saéngga lengane bisa kelebu lemak tak jenuh kang siate stabil.[4] Saliyané iku ing lenga kelapa duwé asem lemak esensial kang ora bisa disintesis karo awak.[4] Asam lemak mau iku asem palmitat, stearat, olet lan linoleat.[4]
Lenga kang racaké kanggo nggoreng saliyané lenga kelapa sawit ya iku lenga palm kernel, parl olein, palm stearin lan tallow.[5] Saliyané iku ana uga lenga liya kaya lenga winih anggur, kembang srengéngé, kedele, lan zaitun.[5] lenga-lenga iku ora trep yèn kanggo nggoreng nanging lenga-lenga iki duwé kandhutan asem lemak kang dhuwur lan racaké digunakaké mawa bahan tambahan ing salad lan panganan liya.[5]
Cathetan suku besut
- ↑ a b Club Discussion Jakarta Archived 2013-11-29 at the Wayback Machine. (dipunundhuh tanggal 27 Januari 2013)
- ↑ a b c d Minyak Goreng Archived 2012-01-07 at the Wayback Machine. (dipunundhuh tanggal 27 Januari 2013)
- ↑ a b c d e f Minyak goreng dan kolesterol[pranala mati permanèn] (dipunundhuh tanggal 27 Januari 2013)
- ↑ a b c d RSI Cempaka[pranala mati permanèn] (dipunundhuh tanggal 27 Januari 2013)
- ↑ a b c Rumah Kangker (dipunundhuh tanggal 27 Januari 2013)