Los mbako
Los mbako inggih punika papan kanggé nggaringaken mbako ingkang racakipun dumunung ing Kabupatèn Klathèn, Jawa Tengah. Yasan punika dumados saking deling, kajeng, alang-alang, kaliyan ron tebu garing.[1] Los mbako limrahipun tinemu ing pinggir utawi tengah-tengah sabin.[2]
.jpg)
Wedharan
besutLos mbako gadhah ukuran yasan ingkang panjang tur ageng mawi wujud griya panggung, mèh sami kados kandhang peternakan ayam. Yasan punika kadamel saking deling kaliyan kajeng mawi payon saking ron alang-alang punapa déné ron tebu garing. Ancas yasan punika kanggé nggaringaken mbako sasampunipun dipun èpèk saking kebon. Sasampunipun garing, mbakonipun dipun kintunaken dhumateng pabrik mbako saperlu kaolahi dados rokok.[1][3]
Prodhuksi mbako ing Klathèn sampun wonten wiwit jaman Walandi ngantos sapunika kanthi kuwalitas ingkang saé. Saking kasuwuripun kuwalitas mbakonipun, mbako punika dipun wastani mbako Vorstenlanden ingkang kathah pinilih dados rokok srutu kaliyan rokok kelas satunggal. Nanging, ing sakawit srutu Vorstenlanden namung dipun séda dhumateng tiyang-tiyang ingkang kagungan kathah bandha. Ing sapréné, srutunipun gampil kapanggih ing padésan Klathèn.[1]
Yasan punika naté kondhang ing jagad média sosial amergi wujudipun ingkang mligi.[3] Kathah tiyang ingkang kapéngin swafoto ing cerak los mbako punika. Kajawi punika, Netflix Indonésia naté syuting ing los mbako kanggé filem Gadis Kretek ingkang kaparagakaken déning Dian Sastrowardoyo.[4]
Rujukan
besut- ↑ a b c R, Muchus Budi (27 Dhésèmber 2016). "Los Mbako, Bangunan Paling Instagramable di Klaten". detikTravel. Dibukak ing 16 Fèbruari 2023.
- ↑ Yuanita, Puri (29 Novèmber 2016). "Los Mbako, Tempat Instagramable yang Lagi Jadi Buruan Traveler". Dream.co.id. Dibukak ing 16 Fèbruari 2023.
- ↑ a b Bram, Damianus (5 Mèi 2022). "Petani di Perkebunan Tembakau Milik Pemerintah Kolonial Dibayar Gulden". radarsolo.jawapos.com. Dibukak ing 16 Fèbruari 2023.
- ↑ Yuniati, Ika (8 Oktober 2022). "Bintangi Serial Gadis Kretek, Dian Sastro Syuting di Karanglo Klaten Lo!". Solopos. Dibukak ing 16 Fèbruari 2023.
Pranala njawi
besut
Médhia magepokan Los Mbako ing Wikimedia Commons
