Ludruk

Ludruk iku kagunan panggung sing asalé saka Jawa Wétan. Pramila, Ludruk iki mijil saka kesenian rakyat jenengé Besutan, kagunan besutan iki biyèn dipéntaské ing ratan ditonton dening wong akèh.

Barkas:Kartolo Ludruk.jpg

Kartolo, salah sijiné pemain ludruk kondhang.

Barkas:Tari remo.jpg

Jogèd Remo, diparagakake minangka pambuka pementasan Ludruk

Ludruk kasebar ing tlatah Jawa Wétan sing budayané budaya Arekan, wiwit saka Jombang nganti Jember.

Isi carita

Ludruk iki béda karo kethoprak, amarga ludruk caritané prakara panguripan sadina-dina lan sok-sokan nyritakaké prakara kaanan anyar kaya ta kadadéan ing nagara. Lumrahé ludruk dibukak karo tandhak lan kaya jogèd ngremo, utawa beskalan putri yèn ludruk cara Malangan. Pambukané ludruk lumrahé kawujud parikan (nembang/ngidung) sing isiné ana gandhèng cènèngé karo kaanan anyar.

Basa ludruk

Dhialog ing ludruk iki lumrahé nganggo dhialèk Surabayan, sawatara Ludruk ing tlatah Prabalingga, Lumajang lan Jember nganggo basa Madura.

Salah sijining protagonis ludruk sing misuwur ya iku pak Sakera, jagowané wong Madura.

Génerasi ludruk

• Ludrug Bandan
• Ludrug Lerok
• Ludrug Besutan
• Ludrug Stambul Jawi
• Ludrug Sandiwara
• Ludrug Kagunan Drama

Golongan ludrug kondhang

• Ludrug Marikangen
• Ludrug Genthèng Legèn
• Ludrug Rombongan Cak Durasim
• Ludrug Jawa Wétan
• Ludrug Sekar Mulya
• Ludrug Marhaen
• Ludrug Masa
• Kulawarga Ludrug RRI

Wacan

• Nglacak Sajarah Perkembangan Kagunan Ludrug, Ki Soemardji A. (Kalawarti Jayabaya No. 49 Agustus 1972).