Mahkamah Internasional

Mahkamah nagarantara iku badan yudisial ing Perserikatan Bangsa Bangsa (PBB), dunungé ing kutha Den Haag, Walanda. Mahkamah iki minangka badan kehakiman kang paling utama sajeroning organisasi PBB. Dewan keamanan bisa nyerahaké siji sengkéta hukum marang mahkamah.

International Court of Justice Cour internationale de Justice
Peace Palace, kalungguhan ICJ.
Tipe Organisasi	Organ utama
Akronim	ICJ, CIJ
Pamimpin	Présidhèn ICJ Dame Rosalyn Higgins DBE
Status	Aktif
Madeg	1945
Website	www.icj-cij.org
Wikimedia Commons	ICJ-CJI
Portal	United Nations Portal

Sumber-Sumber Hukum

Sumber-sumber hukum sig dipigunakaké naika nggawé kaputusan ya iku:

a. konvensi-konvensi nagarantara kanggo ngukuhaké prakara-prakara kang diakoni déning nagara-nagara kang lagi sulaya

b. kabiasaan nagarantara minangka bukti praktèk umum kang ditampa minangka hukum

c. azas-azas umum kang diakoni déning nagara-nagara kang duwé peradaban

d. kaputusan-kaputusan kehakiman lan pendhidhikan saka publisis-publisis kang paling mumpuni saka warna-warna nagara, minangka cara tambahan kanggo nentokaké peraturan-peraturan hukum

Mahkamah bisa nggawé kaputusan “ex aequo et bono” (tegesé: miturut apa kang dianggep adil) yèn pihak-pihak kang magepokan nyetujoni.

Kaanggotaan

Mahkamah dumadi saka limalas hakim, kang dikenal minangka ”anggota” mahkamah. Para hakim mau dipilih déning majelis umum lan dewan keamanan kang nganakaké pemungutan swara kanthi kapisah. Hakim-hakim dipilih dhedhasar kacakapané, dudu miturut dhasar kabangsan nanging diusahakaké supaya bisa njamin yèn sistem-sisitem hukum kang paling wigati ing donya diwakili déning mahkamah. Ora ana loro hakim kang dadi warga nagara saka nagara kang padha. Hakim-hakim mengku kalungguhan ing sajeroning wektu sangang taun lan bisa dipilih manèh. Para hakim mau ora kena nglungguhi kalungguhan liya samangsa mengku kalungguhan minangka hakim ing mahkamah iki.