Maria Walanda Maramis
Maria Josephine Catherine Maramis (lair ing Kema, Sulawesi Lor, 1 Dhésèmber 1872 – pati ing Maumbi, Sulawesi Lor, 22 April 1924 ing umur 51 taun), utawi ingkang kondhang kanthi asma Maria Walanda Maramis, punika Pahlawan Nasional Indonésia amargi usahanipun kanggé ngrembakakaken kaanan wanodya Indonésia ing wiwitan abad ka-20.[1][2]
| Maria Walanda Maramis | |
|---|---|
 | |
| Rerincèn dhiri | |
| Lair | Maria Josephine Catherine Maramis |
| Sisihan | Joseph Frederick Caselung Walanda |
| Wong tuwa | Maramis lan Sarah Rotinsulu |
| Agama | Kristen |
Saben tanggal 1 Dhésèmber, masarakat Minahasa mengeti Hari Ibu Maria Walanda Maramis, tiyang ingkang dipunanggep pahlawan pendobrak adat, pejuang kemajuan lan emansipasi wanodya ing kancah pulitik lan pendhidhikan. Miturut Nicholas Graafland, wonten ing Nederlandsche Zendeling Genootschap taun 1981, Maria dipunwastani salah sawijining wanodya tauladan Minahasa ingkang gadhah bakat ingkang saé sanget lan pinter saéngga asring luwih majeng tinimbang tiyang kakung [3]. Kangge ngemut-emut jasanipun sampun didamel Patung Walanda Maramis ingkang wonten Kalurahan Komo Luar, Kacamatan Wenang, Kabupatèn Manado.
Rikala Alit
besutMaria lair ing Kema, kutha cilik ingkang sapunika wonten ing Kabupatèn Minahasa Lor, caket Kutha Airmadidi provinsi Sulawesi Lor. Bapake namanipun Maramis déné ibunipun Sarah Rotinsulu. Piyambakipun inggih punika putra ragil, mbakyunipun asma Antje déné kakangmasipuj inggih punika Andries. Anake Andries Maramis katutan wonten pergolakan kamardikan Indonésia lan dados mantri lan duta besar wonten ing papréntahan. Maramis dados yatim piatu nalika piyambakipun nem taun amargi tiyang sepahipun gerah lan séda. Pak likipun, Rotinsulu ingkang sapunika "Hukum Besar" ing Maumbi mbekta Maramis lan seduluripun ing Maumbi. Maramis lan mbakyunipun dipundipunlebetaken wonten Sekolah Melayu ing Maumbi. Sekolah kasebat ngajaraken ngèlmu dhasar kados ta maos lan nyerat sarta ngèlmu kawruh ugi sajarah.
PIKAT
besutSaksampunipun wonten Manado, Maramis milai nyerat opini wonten ing koran Manado ingkang dipunwastani Tjahaja Siang. Wonten ing artikel-artikelipun, piyambakipun nyariosaken wigatosipun dados ibu wonten ing kulawarga. Ibu punika kwajibanipun momong anak lan njagi kaluwarganipun. Ibu ugi maringi pendhidhikan dhasar kanggé putranipun.
Réferènsi
besut- ↑ JJ.Rizal. 2007. Maria Walanda Maramis (1872-1924) perempuan Minahasa, Pendobrak Adat lan Pemberontak Nasionalisme, dalam "Merayakan Keberagaman", Jurnal Perempuan Vol.54 taun 2007. Jakarta: Yayasan Jurnal Perempuan, hal.87-98.
- ↑ Hudiono, Esthi Susanti; Bodjawati, Seruni (2019). Perempuan-Perempuan Menggugat (Literasi Rupa Sejarah Perempuan Indonésia). Yogyakarta: Media Pressindo bekerjasama dengan Komunitas Inklusi Sosial dan Perdamaian Indonésia. kc. 73–77. ISBN 978-623-7254-10-2.
- ↑ N.Graffland dalam Maria Ulfah Subadio, T.O.Ihromi, Peranan dan Kedudukan Wanita Indonésia, Gadjah Mada University Press, Yogyakarta, 1978.
- Manus, M. (1985). Maria Walanda Maramis. Jakarta: Proyek Inventarisasi dan Dokumentasi Sajarah Nasional, Direktorat Sajarah dan Aji Tradisional, Departemen Pendidikan dan Kebudayaan.