Wikipédia

Masjid Camii Tokyo

Masjid Camii Tokyo, Tōkyō-jāmii (東京ジャーミイ?) uga karan Masjid Tokyo, punika masjid kang dibangun wonten kompleks Pusat Kabudayan Turki ing Ōyama-chō, Shibuya-ku, Tokyo, Jepang. Masjid iki kalebu masjid paling gedhé ing Jepang. Masjid iki dibangun bebarengan karo sekolah ing tanggal 12 Mei 1938 déning wong Bashkir lan Tatar kang ngungsi menyang Jepang sawisé Revolusi Oktober. Pambangunané diawasi karo Abdürreşid Ibrahim (imam kapisan masjid) lan Abdülhay Nikolay Ali.[1]

Masjid Camii Tokyo
Ing jero Masjid Camii Tokyo

Ing taun 1986, masjid kasebut kudu dibongkar amargi karusakan struktural kang gedhé. Kanthi arahan lan sengkuyungan saka Türkiye Cumhuriyeti Diyanet Işleri Başkanlığı (Kamantrian Agama Republik Turki), pambangunan wangunan anyar dipunwiwiti ing taun 1998.[2] Arsitek pambangunan ya iku Muharrem Hilmi Senalp. Arsitektur masjid digawé adhedasar gaya ottoman, mula wujudé masjid arep madani masjid ing Turki. Watara pitung puluh tukang saka Turki ngurus masalah finishing, lan mayoritas bahan baku marmer ditekaké saka Turki. Pambangunan masjid iki rampung ing taun 2000 kanthi biaya kira-kira 1,5 milyar yen. Paresmian dianakaké ing tanggal 30 Juni 2000.[3]

Tokyo Camii punika ngadek ing lemah kang jembaré 734 meter persegi lan nduweni petang lantai (telung lantai nduwur lan siji lantai basement) kanthi jembar total 1.477 meter persegi. Kubah utama dhuwuré 23,25 mèter lan enem cagak utama, saben-saben cagak dhuwuré 41,48 metèr.[4]

Peraturan besut

Nalika lumebu/ngunjungi masjid iki, panjenengan kudu manut paugeran ingkang wonten. Yaiku:

  1. Ora oleh nganggo kathok cendhak
  2. Ora oleh nganggo kemeja lengen cendhak
  3. Ora oleh mangan ing jero masjid
  4. Ora oleh turu ing jero masjid
  5. Ora oleh lumebu masjid nganggo sepatu
  6. Ora oleh nggawe ramé lan mecahné kaca ing jero masjid
  7. Ora oleh nggawé ngrerusak (kaya ta: maling, nyorat-nyoret/vandalism, lsp) ing jero masjid

Kaanan Saiki besut

Masjid Tokyo diurusi déning Tokyo Camii Foundation lan masjid iki dinobatké sebagai salah siji saka 20 obyek wisata gratis apik dhéwé ing Jepang 2017 déning Tripadvisor.[5]

Sesambungan[6] besut 

Alamat:
 1-19 Oyama-cho, Shibuya-ku
 151-0065 Tokyo, JEPANG

Tel: 03-5790-0760

Fax: 03-5790-7822

Surel: info@tokyocamii.org

Cathetan besut

Tembung camii punika dijipuk saka Basa Turki ne jami'. Tembung jami' ing Basa Arab tegesé "papan ngumpul jemaat."[7]

Waca uga besut

Rujukan besut

  1. ↑ "About Tokyo Camii » Tokyo Camii - Turkish Culture Center". Tokyo Camii - Turkish Culture Center (ing basa Inggris Amérika Sarékat). Diarsip saka sing asli ing 2017-09-23. Dibukak ing 2018-01-11.
  2. ↑ "Tokyo Camii History » Tokyo Camii - Turkish Culture Center". Tokyo Camii - Turkish Culture Center (ing basa Inggris Amérika Sarékat). Diarsip saka sing asli ing 2017-09-24. Dibukak ing 2018-01-11.
  3. ↑ "New Tokyo Mosque opens". The Japan Times Online (ing basa Inggris Amérika Sarékat). 2000-07-01. ISSN 0447-5763. Diarsip saka sing asli ing 2017-09-29. Dibukak ing 2018-01-11.
  4. ↑ "Japan's largest mosque completed in Tokyo". Kajima News & Notes. 2000-03-21. Diarsip saka sing asli ing 2017-02-05.
  5. ↑ "Tripadvisor Top 20 Best Free Attractions in Japan 2017 » Tokyo Camii - Turkish Culture Center". Tokyo Camii - Turkish Culture Center (ing basa Inggris Amérika Sarékat). 2018-01-06. Dibukak ing 2018-01-11.[pranala mati permanèn]
  6. ↑ "Contact » Tokyo Camii - Turkish Culture Center". Tokyo Camii - Turkish Culture Center (ing basa Inggris Amérika Sarékat). Dibukak ing 2018-01-11.
  7. ↑ "masjid jami". Kamus KBBI Online, Makna Kata dari Kamus Besar Bahasa Indonesia (ing basa Inggris Amérika Sarékat). 2014-12-01. Dibukak ing 2018-01-11.

Pranala Jawi besut

Dijupuk saka "https://jv.wikipedia.org/w/index.php?title=Masjid_Camii_Tokyo&oldid=1657619"