Masjid Hassan II
Masjid Hassan II inggih punika minangka namaning masjid ingkang dumunung wonten ing wewengkon Casablanca, Maroko. Masjid punika wiwit dipunyasa rikala taun 1980, dipundesain déning arsitèk saking nagara Perancis Michel Pinseau lan dipunbangung déning Bouygues. Masjid punika dipunsebut-sebut minangka masjid ingkang paling ageng angka 2 ing donya sasampunipun Masjidil Karam wonten ing wewengkon Kota Mekah. Masjid punika gadhah minaret ingkang paling inggil wonten ing donya kanthi inggil antawis 210 mèter (689 kaki) lan gadhah kapasitas 25.000 tiyang. Katambah malih kaliyan pelataran ingkang saged nampung kinten-kinten dumugi angka 80 èwu jemaah.[1]
Pengerjaan
besutMasjid Hassan II dipunyasa rikala taun 1986-1993 saperlu mèngeti ambal warsa mendhiang Raja Maroko Hassan II. Masjid Hassan II dipunyasa mèpèt ing arah samodra Atlantik saéngga damel katingal kados masjid ingkang wonten ing satengahing laut kados déné sawijining masjid ingkang saestu ing nginggil toya laut. Boten lepat manawi salajengipun masjid punika pikantuk jejuluk minangka "masjid terapung ingkang paling ageng ing donya". Masjid megah punika sapunika dados pralambanging kutha Casablanca.[2]
Teknologi ingkang ingkang kaaplikasikaken wonten ing masjid megah punika kanthi mumpangataken tèknologi cahya laser saperlu pencahayaan lan maringi kaendahan piyambak wonten ing wayah ndalu, panganggonan pemanas lantè saperlu ngontrol temperatur ruangan masjid lumantar lantenipun nalika suhu asrep, penggunaan lawang elektrik, rancangan atap ingkang saged dipunbikak lan tutup kanthi migunakaken tèknologi mutakhir lan sapérangan lantè masjid migunakaken kaca kandel saéngga mungkinaken jemaah sami ningali samudera Atlantik ingkang nyapu wewatunan ing sangandhaping masjid.
Kajawi punika, masjid punika ugi kanthi jangkep gadhah ukuran ingkang ageng sanget kaliyan dekorasi interior ruang salat ingkang ngremenaken, kanthi ukiran tangan para pengukir ingkang panci sampun profésional wonten ing bidangipun, katambah kaliyan dekorasi kasil cetakan semen. Sawijining tim ageng para maestro pengukir wonten ing pekerjakan mligi nangani proyek pembangunan masjid agung punika. Bahan bahan kapilih awujud kayu kayu cedar saking kawasan Atlas, watu pualam saking pagunungan Agadir lan wewatunan granit saking Tafroute.[3]
Langkung saking 6000 seniman maroko dipunpekerjakaken wonten ing proyek pembangunan masjid punika wiwit awal dumugi pungkasaning pembangunan. Kanthi béya proyek dumugi setengah milyar dolar lan sapérangan ageng saking dana pembangunan masjid mau minangka sumbangan saking rakyat Maroko piyambak.
Cathetan suku
besut| Wikimedia Commons duwé médhia ngenani Hassan II Mosque. |
| Artikel iki minangka artikel rintisan. Kowé bisa ngéwangi Wikipédia ngembangaké. |