Masjid Jami An-Nawawi

Masjid Jami' An-Nawawi ya iku masjid kang mapan ing kacamatan Tanara, Serang, Indonésia. Masjid iki mapan ing cedhak komplek makam Tanara, kurang luwih 1 km ing sisih lor. Masjid iki mapan ing kampung kang arané Pesisir, désa Pedaleman. Ora ana kang ngerti wiwitané masjid kang dibangun déning Syekh Nawawi. Nanging yèn dikira-kira, Syekh Nawawi lair taun 1813 Masehi, dadi kira-kira masjid iki dibangun taun 1850 nganti 1860-an.

Syekh Nawawi ngedegaké omah, ngurusi pesantrèn lan dadi imam masjid ing kampung iki. Nanging, amarga dhèwèké dirusuhi karo penjajah Walanda, dhèwèké lunga menyang Mekah. Syekh Nawawi banjur urip tekan sapatine.

Jeneng masjid dijupuk saka jenenge Syekh Nawawi, amarga jaman biyèn dhèwèké kang asring kutbah, lan nyiarke agama Islam.

Pérangan Masjid

Sawisé Syekh Nawawi lunga menyang Mekah, kabèh urusan masjid lan pesantren diurusi Kyai Arsyad Gasir, paklike, uga muride Syekh Nawawi. Nalika diurusi Kyai Arsyad Gasir masjid iki didandani nggunakaké bata lan semèn, kayu-kayu wiwit dikurangi.

Ing jero masjid ana papat saka pondhasi. Diamèteré 50 cm, dhuwuré 5 m. Saka iki dibangun wiwit jaman Kyai Arsyad. Saka kang cacahé papat iki duwé teges sobat rasul kang cacahé papat ya iku, Abu Bakar Al-Shiddiq, Umar bin Khattab, Utsman bin Affan, lan Ali bin Abi Thalib.

Saka papat iku miturut carita sadurungé didegake kyai Arsyad pasa 40 dina ndisek.