Masjid Lamo iku masjid kang dumunung ing Kalurahan Lempur Tengah, kacamatan Gunung Raya, Kabupatèn Kerinci, Jambi, Indonésia. Asal usul dasanama masjid lamo amarga salah sijiné masjid kang kagolong tuwa lan durung tinemu dumadi madeké nganti sapréné.

Sajarah besut

Masjid lamo madeg ing pamimpinan Rajo Elok kang nyandang gelar Indra Bangsawan Syah saka Bone Gunung Ledang ing mangsa Karajan Pagaruyung ing tlatah Minangkabau.Pertandha Islam sumebar ing tlatah sumatra kanthi bukti surat kang tulisané huruf arab ing taun 1700 H.Kadadean iku bisa di dijalurake, Islam lumebu ing nusantara ing abad 13

Arsitektur besut

Masjid lamo uga kagolong unik lan kuna, amarga duwé kubah awujud stupa kang kagawé saka watu, kaya stupa candhi wulan bintang kaya ta kubah masjid kang ana sakiki.Stupa kang ndhuwuré ± 1 M lan aboté 80 kg lan stupa rusak amarga anané lindhu ing taun 1942.Fodasiné kagawé saka watu kali kang wujudé kaya watu bata lan atos.Jobiné kagawé saka kayu kuwat lan kandèl kasusun rapi. Ukiran kang ana ing gebyok antik lan motifé awujud kembang kang diulang-ulang.Werna ukiran migunakaké bahan utama alami ya iku kunir lan kapur lan pakuné kagawé saka kayu utawa sok diarani sepaku.Masjid lamo gendhèng saka duk (ijuk) lan lapen kayu.Ing taun 1939 diganti karo gendhéng sèng.Masjid kang atapé awujud limas iki duwé 40 saka utama (sakaguru) uga di sanggah karo papat saka utama dampingan.Dumunung ana ing kiwa-tèngené lan ngarep-mburiné ndadèkaké masjid kuwat lan kokoh