'''GarudhaWulung''', '''helang''', utawa '''garudha''' ([[basa Inggris]]: ''eagle'') punika salah setunggaling [[sato kewan|kéwan]] ingkang wonten ing [[Indonesia|Indonésia]].
== Ciri-ciri ==
GarudhaWulung punika mlebet kéwan [[getih]] panas, gadhah sewiwi lan awak ingkang katutup déning wulu pelepah. Amargi lumebet ing klompok peksi, garudhawulung tangkar-tumangkar kanthi cara nigan. Tigannipun kabungkus déning cangkok ingkang atos. Tigan-tigan punika dipunsimpen ing lebet susuh ingkang dipundamel déning garudhawulung piyambak. Salajengipun tigan-tigan punika dipunengkremi ngantos netes. GarudhaWulung njagi anakipun ngantos saged mabur.
GarudhaWulung punika kéwan pamangsa. Panganan utami garudhawulung inggih punika kéwan [[mamalia]] alit kados [[tikus]], [[bajing]], lan [[pitik]]. Wonten sabagéyan garudhawulung ingkang nangkep [[iwak]] lan dipundadosaken panganan utami. Cucuk garudhawulung boten wonten wajanipun nanging nggadhahi wangun béngkong lan kiyat sanget kagem ngoyak daging mangsa. Peksi punika ugi ndarbèni satunggal pasang suku ingkang kiyat/kukuh lan [[kuku]] ingkang landhep kanggé nyengkerem mangsa. GarudhaWulung ugi ndarbèni daya pandelengan ingkang permana kanggé mburu mangsa saking let ingkang tebih.
GarudhaWulung ndarbèni [[sistem ambegan]] ingkang saé lan saged kanggé nyimpen [[oksigen]] ingkang kathah. Oksigen punika dipunperloaken wanci mabur. [[Jantung]] peksi garudhawulung wonten sekawan bilik kados [[manungsa]]. Bilik nginggil dipuntepangi kanthi sebutan [[Jantung|atrium]] lan bilik ngandhap dinpuntepangi kanthi sebutan [[Jantung|ventrikel]].
