Mayasura: Béda antara owahan

Ing mitologi [[Hindhu]], '''Maya''' (मय), utawa '''Mayasura''' (मयासुर) iku raja agung kang nguwasani ras Asura, Daitya, lan Rakshasa ing donya. Dhéwékè iku [[arsitek]] mahir kanggo penduduk ing sangisoring [[lemah]]. Dhéwékè uga mbangunyasa istanapura megah ing [[Indraprastha]]. Mayasura meguru marang [[Sukracarya]], guruné para daitya lan asura.

Mayasura iku bapaké [[Mandodari]], garwané [[Rahwana]]. Mayasura mbangunyasa istanapura megah ing satengahing guwa. [[Anoman]] bareng karo para [[kethek|wanara]] nemu istanapura iku ing sajeroning kitab Sundarakanda. Ing tengah-tengahing [[guwa]] ana wanadya kang jenengé [[Sayampraba]]. Wanadya iku nulungi Anoman lan wanara supaya tekan ing pasisir kidul [[India]].

Nalika [[Pandawa]] mbuka alas kanggo didadékaké kutha [[Indraprastha]], [[Kresna]] ngundang [[Wiswakarma]] kanggo ngripta kutha kanthi struktur kang megah. Mayasura tumut ngréwangi pagawéyan iku kanthi mbangunyasa balairung gedhé kang dijenengi Mayasabha kanggo Raja [[Yudistira]].