Akson: Béda antara owahan

'''Akson''' utawa '''neurit''' ya iku [[serat]] utawa srabut serat kang ngolah kasil prosès ''(output)'' saka [[sèl saraf]] (neuron).<ref name="internet1">[http://kamuskeséhatan.com/arti/akson/ Kamus Keséhatan-teges Akson](diundhuh 11 Dhésèmber 2012)</ref> Dawané akson manéka wernawarna, saka sawatara milimèter nganti sawatara sèntimèter lan uga ana sing nyabang kanthi amba.<ref name="internet1"/> Nalika momotan [[listrik]] nganti tekan pucuking akson, neurotransmiter wiwit digawé. Neurotransmiter iki ing wayah gilirané bisa ngaktifaké [[reseptor]] ing [[dendrit]] neuron ing sisihé, banjur nerusaké pesen.<ref name="internet1"/> Pesen-pesen dhasar kang ditransmisikaké liwat akson ya iku prastawa listrik utawa [[kimia]] kang diarani [[potensial aksi]].<ref name="internet1"/> Sanadyan padatan akson kagandhèng karo dendrit, akson bisa uga kagandhèng karo awak sèl (soma) utawa karo akson liyané.<ref name="internet1"/>

Dawa akson manéka wernawarna miturut ancas utawa kagunané.<ref name="internet4">[http://klikharry.com/2012/05/06/sistem-saraf/ Sistem saraf](diundhuh 11 Dhésèmber 2012)</ref> Saben akson ngandhut [[aksoplasma]] kang dilapisi déning mémbran sèl (slaput tipis).<ref name="internet4"/> Akson diglubeti déning neurilema (slubung Schwann).<ref name="internet4"/> Padatan akson duwé getih kang ora ana mieliné kang diarani ''nodus Ranvier''.<ref name="internet4"/> Slubung mielin iki nduwé kagunan kanggo ngayomi utawa dadi ''isolator'' sarta nyepetaké mlakuné rangsang ''(impuls)''.<ref name="internet4"/> Bongkot saka akson kang diarani ''terminal percabangan'' bakal ketemu karo bongkoté dendrit sèl neuron sing liyané.<ref name="internet5">[http://www.sentra-edukasi.com/2011/08/struktur-sel-neuron-sel-saraf.html#.UMazjXJgKUU Struktur sèl neuron](diundhuh 11 Dhésèmber 2012)</ref> Ketemuné bongkot sèl neuron loro sing béda iki diarani ''sinapsis''.<ref name="internet5"/>