Incheon: Béda antara owahan

'''Incheon''' inggih menikapunika satunggaling kutha [[metropolitan]] lan [[pelabuhan]] utama wonten ing pesisir kulon [[Korea Kidul]]. Mapanipun kanthi astronomis 37°29′ LU 126°38′ BT. Kutha paling ageng angka 3 wonten ing Koréa Kidul saksampunipun [[Seoul]] lan [[Busan]] ingkang kagungan populasi langkung saking 2,6 yuta jiwa. Incheon menikapunika kutha ingkang wigati ingkang gadhah kagunan dados kutha pelabuhan lan ugi transportasi wonten ing Asia lor-wetan. [[Bandar Udara Internasional Incheon]] dipunbikak nalika taun 2001 lan sampun dados salah satunggal [[bandar udara]] ingkang paling sae wonten ing donya.

Incheon menikapunika kalebet salah satunggal ''tuan rumah'' [[Piala Donya FIFA 2002]]. Wonten ing bidang ekonomi, Incheon menikapunika salah satunggaling kutha wigati saking kalih [[Zona Ekonomi Bebas]] Koréa Kidul. Incheon menikapunika dados zona bisnis lan finansial sareng kaliyan Zona Ekonomi Bebas [[Busan]]-[[Jinhae]].

Wewengkonipun Incheon menikapunika kagungan 42 pulau ingkang wonten pendudukipun lan 112 ingkang boten wonten pendudukipun. Pulau-pulau utama dipunsambetaken kaliyan kreteg, ing antawisipun ''Pulau Yongyu'', ''Yeongheung'' lan ''Seonjae''. Pulau-pulau ingkang langkung tebih ing antawisipun [[Pulau Baengnyeong]], [[Pulau Yeonpyeong|Yeonpyeong]] lan [[Pulau Daecheong|Daecheong]]. Pantai-pantai wonten ing sakiwa tengenipun Incheon menikapunika dados objek panaliten lan [[wisata]] kadosdene [[rekreasi]], [[renang]], [[mancing]] lan siram lumpur.

Minangka papan kangge mlebet dhateng Koréa ingkang dipunbikak wonten ing periode Joseon, Incheon menikapunika kagungan maneka tilaran sejarah saking jaman kasebat. Incheon menikapunika satunggaling kutha wonten ing Koréa ingkang kagungan [[pecinan]]. Tiyang Tionghoa ingkang sepisan mlebet dhateng Incheon wiwit saking 1800-an, wiwit Koréa wiwit tinarbuka marang donyaning njawi. [[Pecinan Incheon]] menikapunika mapan wonten ing distrik Seollin-dong ingkang dipunagem dening warga Tionghoa generasi kaping 2 utawi kaping 3.

Incheon menikapunika sampun dados papan kangge manggen, inggih menikapunika wiwit saking jaman [[Neolitik]]. Wonten ing cathetan sejarah, Incheon menikapunika sepisan dipunggeni wonten ing periode kerajaan [[Baekje]] tahun 19 SM. Asmanipun kala menikapunika ''Michuhol''. Nalika mangsa [[Dinasti Goryeo]] (918-1392), wewengkon menikapunika statusipun dipunmindhakaken dados ''Gyeongwon-bu''. Kathah ratu-ratu Goryeo miyos wonten ing mriki. Wonten ingperiode [[Dinasti Joseon]],mliginipun tanggal 15 Oktober 1413, ing mangsa pamarentahanipun [[Taejong saking Joseon|Raja Taejong]], dipunmindhakaken dados ''Kabupaten Incheon''. Wonten ing periode ingkang kaping enem mangsa pamarentahanipun [[Sejo saking Joseon|Raja Sejo]] (1455-1468), status Kabupaten Incheon dipunmindhakaken dados Incheon. Ing pungkasan periode Joseon, Incheon menikapunika dados kutha pelabuhan ingkang anama ''Jemulpo''. Jemulpo menikapunika ngrembaka kanthi rikat amargi papanipun wonten ing muara [[Kali Han|(Korea)|Kali Han]] ingkang ndadosaken papan menikapunika dados pelabuhan ingkang alami.Nalika pelabuhan Incheon dipunmadegaken ing taun [[1883]], populasinipun menikapunika namung 4.700 jiwa.

Jemulpo menikapunika kagungan peran minangka papan kangge mlebetipun tiyang ingkang sadean (pedagang) lan tiyang asing dhateng Koréa. Ing samenika ugi jaringan telepon lan [[sepur]] sepisan dipundamel wonten ing Koréa. saksampunipun penjajahan Jepang rampung, statusipun dados kutha otonomi. Ing taun 1960-an lan 1970-an kutha menikapunika dados salah satunggaling pusat industri wigati. Lajeng, ing taun 1981 dipundadosaken pamarentah minangka kutha khusus. Ing taun 1995, [[Kabupaten Ganghwa]], [[Gimpo]], [[Tongjin]] lan Kecamatan Geomdan merger kaliyan Incheon, nambahi wiyar lan cacahing penduduk kutha menikapunika. Samenika saben tanggal 15 Oktober dados pengetan dinten madegipun kutha Incheon.

Pulau Ganghwa ingkang merger kaliyan Incheon nalika taun 1995 dipunmangertosi minangka pulau ingkang ngandhut sejarah ugi pikantuk jejuluk "museum tanpa tembok". Perangan kasebat amargi kathah maneka tilaran sejarah ingkang wonten ing pulau kasebat. situs ingkang paling sepuh dipunyakini minangka tilaran [[Dangun]], tiyang ingkang madegaken negeri Koréa ing jaman Kuno, inggih menikapunika altar kurban ingkang anama [[Chamseongdan]]. Kejawi menikapunika ing jaman [[Dinasti Goryeo]], Ganghwa menikapunika dipundadosaken ibukota darurat nalika wonten serangan saking bangsa [[Mongol]]. Ing pulau menikapunika wonten kuburanipun Hongneung nun inggih garwa [[Gojong saking Goryeo|Raja Gojong]] (jumeneng 1215-1259), raja kaping 23 Goryeo, dipunsarekaken.

Incheon menikapunika kaperang dados 8 distrik ("Gu") lan 2 kabupaten ("Gun").

Incheon menikapunika kagungan 1 jalur m[[subway|kereta api ngandhap lemah]] ingkang namanipun [[Incheon Subway]] ingkang badhe dipunwiyaraken.