Sandhangan: Béda antara owahan

[[Gambar:Well-clothed baby.jpg|Bocah cilik singkang nganggo sandhangan [[mangsa adhem]].|thumb|230px]]

'''Sandhangan''' ([[basa krama]]: '''rasukan''') iku kabutuhan pokok manungsa saliyané [[panganan]] lan papan padunungan ([[omah]]). [[Manungsa]] mbutuhaké sandhangan kanggo nglindhungi lan nutupi awaké. Nanging sairing karo perkembangan [[kauripan]] manungsa, sandhangan uga minangka [[simbul]] [[status]], kalungguhan, utawa kalungguhan singkang nganggo. Perkembangan lan jinis-jinis sandhangan gumantung marang [[adat-istiadat]], kabiasaan, lan [[budaya]] singkang duwé ciri kas dhéwé-dhéwé.

Sandhangan iku umum dipadhakaké karo busana utawa ing [[basa Indonésia]]: ''pakaian''. Sejatiné sandhangan iku tegesé klambi, utawa makna singkang luwih wiyar ya iku kabèh singkang dianggo ing pérangan tengah raga, dadi yèn ing [[sandhangan adat Jawa]] uga kalebu [[sabuk]], [[epek]], [[timang]], [[benik]] lan [[wiron]].

Sandhangan utawa busana dadi salah sijining [[kabutuhan utama]] manungsa. [[Manungsa]] merlokake busana kanggo nutupi ragané, mligi pérangan raga singkang wajib ditutup.

Sandhangan singkang digawé lan dianggo manungsa iku, miturut perkembangané pancèn suwé banget, awit digawé miturut kabutuhan lan kabudayan manungsa dhéwé. Awaké dhéwé banget ngerti dhéwé yèn manungsa singkang kapisanan iku, ya iku bapa [[Adam]] lan ibu [[Hawa]] diandapaké ana ing alam donya iku ora nganggo sandhangan siji waé, mula saka iku bapa Adam lan ibu Kawa banjur gawé sandhangan amarga dicocokaké karo kahanan alam ing jaman semana, mung gawé sandhangan nganggo kulit [[kayu]] lan kulit [[kéwan]] singkang ana. Banjur jaman tamsaya maju lan manungsa uga duwé kabudayan, mula saka iku banjur padha gawé sandhangan miturut kahanan alam lan kahanan budaya saben laladan lan nagarané.

Salah siji ancas singkang utama sandhangan ya iku kanggo njaga supaya ngrasa nyaman. Ing iklim panas busana nyadiakaké tutupan saka cahya [[srengéngé]] utawa dhampak liyané, déné ing [[iklim]] adhem sipat insulasi termal lumrahé luwih wigati.

Sandhangan nglindhungi pérangan awak singkang ora katon. Sandhangan minangka perlindungan saka unsur-unsur singkang ngrusak, kalebu [[udan]], [[salju]] lan [[angin]] utawa kondhisi [[cuaca]] liyané, sarta saka srengéngé. Sandhangan uga ngurangi tingkat risiko sajeroning kagiyatan, kaya nalika nyambut gawé utawa ulah raga. Sandhangan kadhang-kadhang dianggo minangka perlindungan saka bebaya lingkungan tinamtu, kaya [[gegremet]], [[bahan kimia]] mbebayani, [[sanjata]], lan kontak karo [[zat abrasif]]. Suwaliké, sandhangan bisa nglindhungi lingkungan saka panganggo sandhangan, kaya ta nganggo masker. Sandhangan iku akèh pingunané, kaya ta wis disebautake ing dhuwur mau. Mila wong jaman saiki duwé warna-warna sandhangan lan kabilang unik-unik.

Klambi singkang diarani klambi modhèren iku ana singkang saka klambi tradhisional kang wis diowahi, lan uga ana klambi saka budaya liyan, kaya saka [[Éropah]], [[Jepang]] uga [[Cina]].