|
'''Layang Paulus Roma''', iku pakumpulané layang [[rasul Paulus]] marang para jumuwah ing kutha [[Roma]]. Kitab iki péranganing [[Prajanjian Anyar]] lan kitab nomer ping enem serta layangé singkang dawa dhéwé. Tulisan iki dipracayani minangka tulisan asli [[Santo Paulus|Paulus]].<ref>Pengantar [[Alkitab]] [[Lembaga Alkitab Indonesia]], 2002</ref><ref name="Hakh">Samuel Benyamin Hakh. 2010, Perjanjian Baru: Sejarah, Pengantar dan Pokok-pokok Teologisnya. Bandung: Bina Media Informasi. hlm. 201-210.</ref> Sajroning layang iki ana kesan menawa tugas Paulus ing kawasan wétan Kakaisaran Romawi kanggo golèk dana kanggo para jumuwah ing Yérusalèm wus rampung.<ref name="Duyverman">M.E. Duyverman. 1990, Pembimbing ke dalam Perjanjian Baru. Jakarta: BPK Gunung Mulia. hlm. 94-101.</ref> Katoné layang iki singkang pungkasan ditulis Paulus ing tlatah Yunani.<ref name="Hakh"/> Ana singkang nganggep menawa layang iki ringkesan pepak saka sakabèhé téologi Paulus.<ref name="John">{{id}} John Drane. 2005, Memahami Perjanjian Baru. Jakarta: BPK Gunung Mulia. hlm. 369-372.</ref> Perkara iki déné kahanan jiwa Paulus singkang luwih réflèktif nalika nulis layang iki tinimbang nalika nulis [[layang Paulus Galatia|Galatia]] utawa [[I Korintus|layang Korintus]].<ref name="John"/>
Layang Paulus marang para jumuwah ing Roma iki katulis kanggo nyiyapaké wong-wong iku singkang arep ditekani Paulus, saliyané iku Paulus uga arep ngalusaké sawetara aspèk pamikirané singkang tibakné surasané dimangertèni luput, dadi perkara iki prioritasé rikala iku.<ref name="John" />
== Ayat-ayat misuwur ==
* Roma 3:23-24: Kabèh wis padha gawé dosa lan adoh karo Gusti Allah, singkang dadi etuking keslametané. Manungsa enggoné karukunaké karo Gusti Allah kuwi awewaton sih-rahmat, singkang diparingaké marang manungsa, lumantar panebusé Gusti Yésus Kristus.
* Roma 6:23: Sebab opahé dosa kuwi pati, nanging sih-kanugrahané Gusti Allah ngolèhaké urip langgeng, lantaran Kristus Yésus, Gusti kita.
* Roma 8:28: Kita padha ngerti, yèn ing sadhéngah prekara, Gusti Allah makarya murih beciké wong singkang padha tresna marang Panjenengané.
== Panulis ==
Panulis layang iki ya iku [[Santo Paulus|Paulus]], singkang nepungaké awaké dhéwé mawa jenengé ("Paulus) ing awal layang iki (Roma 1:1) lan jatidhiriné minangka abdi Gusti Yésus Kritus. Banjur dhèwèké dipilih lan ditimbali déning Gusti Allah (''apostolos'') lan doning pagawéané ("supaya ngabaraké Injil").<ref name="TNstudy">The Nelson Study Bible. Thomas Nelson, Inc. 1997</ref> Layang iki ora ditulis déning Paulus dhéwé, nanging déning sawijining sékretaris singkang jenengé [[Tèrtius]] lan nyatakaké awaké dhéwé ing ayat Roma 16:22. Paulus dudu singkang ngedegaké jemuwah ing Roma, dadi dhèwèké ora mangerti kahanan jemuwah iki kanthi langsung, nanging olèh informasi saka wong-wong Kristen singkang teka saka Roma menyang Koritus, papané layang iki ditulis.<ref name="Hakh" /> Wis suwé Paulus kapéngin nekani wong-wong Kristen ing Roma, lan ingin nyebar kabar Injil ing kana, nanging kapénginané mesthi kalangan, kamangka nalika ing Éfèsus, Paulus wis ngrencana arep lunga mrana liwat [[Akhaya]] lan [[Makédonia]].<ref name="Barclay">{{id}} William Barclay. 1986, Pemahaman Alkitab Setiap Hari - Roma. Jakarta: BPK Gunung Mulia. hlm. 9-21.</ref>
Kapénginané Paulus dadi sangsaya gedhé nalika awaké ngalami wèsthi ing [[Yérusalèm]] lan krasa uripé saksat bakal sigra entèk, rikala iku awaké olèh panalika yèn Gusti Allah ngadeg ing sisihé lan nguwataké awaké dadi Paulus bisa mènèhi panyeksèn ing Roma.<ref name="Barclay" />
== Wanci panulisan ==
Kabèh panglayaran ing Sagara Tengah praktis mandheg sawisé tanggal 11 November, déné hawa mangsa atis singkang ala, lan lumrahé diwiwiti manèh wiwit tanggal 10 Maret saben tauné, dadi Layang Roma ditulis sadurungé, yakuwi ing mangsa gugur taun 57 Masèhi.<ref name="TNstudy"/> Robinson yakin menawa panulisané iku ing mangsa semi (antara sasi Maret - Juni) taun 57 Masèhi.<ref>John Arthur Thomas Robinson (1919-1983). "Redating the New Testament". Westminster Press, 1976. 369 halaman. ISBN 10: 1-57910-527-0; ISBN 13: 978-1-57910-527-3</ref> Panemu liya ngira-ngira antawa taun 53-54, utawa antara taun 53-56.</ref> atau tahun 53-56.<ref>W. G. Kummel, "Introduction to the New Testament" (Heidelberg 1963),ET 1966; <sup>2</sup>1975.</ref>
Rencana Paulus dhéwé owah, awit ana anceman saka wong Yahudi, dadi Paulus ora sida numpak kapal saka Korintus, nanging wusanané mlaku menyang Makédonia<ref name="Para Rasul 20:3">Para Rasul 20:3</ref> lan lumayar menyang Yérusalèm saka Filipi ing mangsa semi taun sawisé (58 M).<ref>Para Rasul 20:6</ref> Paulus lagi teka ing Roma sawisé dicekel lan diadili ing Yudéa.<ref name="Para Rasul 20:3"/>
== Struktur ==
Layang Paulus Roma iku sawijining layang singkang magepokan karo akèh aspèk lan kasil saka komposisi singkang tliti banget.<ref name="Barclay"/> Kanggo nyakepiné, layang iki bisa kabagi ing patang pérangan:<ref name="Barclay"/>
* [[Roma 1|Pasal 1]][[Roma 8|-8]], ngenani perkara kabeneran
* [[Roma 9|Pasal 9]][[Roma 11|-11]], ngomongaké masalah bangsa [[Yahudi]]
* [[Roma 12|Pasal 12]][[Roma 15|-15]], ngomongaké masalah urip singkang praktis
* [[Roma 16|Pasal 16]], layang pangiring kanggo [[Fébé]] lan pratélan wong-wong singkang dikirimi salam déning Paulus
== Réferènsi ==
| 