'''Kasti''' iku dolanan tradhisional kanggo bocah cilik mèmper karo dolanan utawa ulah raga [[bisbol]] ([[basa Inggris]]:''baseball''). Piranti singkang diperlokaké arupa [[bal]] karèt singkang gedhéné saukuran bal [[tènis]] nanging ora ana wuluné. Saliyané bal uga diperlokaké piranti arupa teken singkang digawé saka kayu, padha karo ''bat'' ing ulah raga [[bisbol]] singkang gunané kanggo namplèk bal. Ana manèh piranti singkang diarani "hong", arupa telu cagak wesi apa kayu utawa pring minangka ''base''-é. Hong sepisanan dipasang cedhak karo papan namplèk bal, déné hong kapindho lan katelu dipasang ing pojok singkang dunungé adoh ing sisih kiwa lan tengen. Sawisé juru main namplek bal kang diuncalake déning singkang pérangan nguncal saka tim kang wayahe jaga, déné singkang namplek diwènèhi telung kesempatan kanggo namplek sampek kenek. Sawisé bal bisa ditamplek banjur mlayu menyang hong kang wis dicawisake olèh mlayu menyang hong kang cedhak olèh mlayu menyang hong kang adoh. Cara itungan nilaine ya iku saka akèhé anggota tim kang bisa mbalik menyang Home/omah asal tanpa kena bal
==Tatacara==
Mèh padha karo bisbol utawa sofbol]] dolanan kasti dumadi saka rong golongan. Golongan singkang siji namplèk terus mlayu ngubengi lapangan lan bisa terus mlebu "omah" (kaya ''homerun''). Golongan sijiné njaga lan nyegat playuné golongan mungsuhé. Bédané karo ''baseball'' ya iku yèn ing ''baseball'' mungsuhé mung dicegat terus ditèmpèli bal, nanging sajeroning kasti juru main jaga olèh mbalang (ngempuk) mungsuhé saka kadohan. Yèn ana juru main singkang namplèk banjur mlayu utawa juru main liya singkang mlayu saka hong siji menyang hong liyané kena empuk, klompoké banjur ganti golongan jaga, lan golongan singkang jaga ganti mlebu omah lan namplèk bal mbaka siji. Saben juru main singkang bisa mlebu omah antuk biji siji, mangkono saterusé singkang antuk biji paling akèh ing pungkasan dolanan menang.
