'''Filologi''' iku sawijining kawruh ngenani sastra-sastra sajeroning pangertèn amba singkang uga ngandhut wengkon basa, sastra lan budaya.<ref>''Pengantar Téyori Filologi''. (Siti Baroroh Baried et al (1985:1))</ref> Filologi iku nyinaoni tèks utawa sastra mawa kombinasi ngèlmu sastra, sajarah lan linguistik.<ref>[http://books.google.com/books?id=2joVAAAAYAAJ&dq=philology&printsec=frontcover&source=bl&ots=REA2bM6Pf_&sig=Ws1UMX0ld3eeYXO2IxcBXD4WhNs&hl=en&ei=VJowSqeaCYTAMtiD_ccH&sa=X&oi=book_result&ct=result&resnum=9#PPA5,M1 Philology]</ref> Ing Tanah Jawa utawa ing Indonésia kanthi umum, objèk panalitèn filologi iku naskah-naskah kuna singkang diturunaké ing dluwang utawa [[rontal]]. Dadi filologi diréwangi ngèlmu [[kodikologi]] lan [[paléografi]]. Kodikologi iku ngèlmu perkara buku-buku lan paléografi iku ngèlmu perkara sajarah aksara. Anggenipun panaliten filologi utawi panaliten wonten ing naskah-naskah kuna, kedah nggatosaken tata caraning panaliten amargi objek filologi utawi naskah punika kalebet benda bersejarah ingkang kedah dipunjaga kawontenanipun.
== Étimologi ==
Tembung ''filologi'' iku dijupuk saka basa Yunani φιλολογία (''philologia''),<ref>[http://www.perseus.tufts.edu/cgi-bin/ptext?doc=Perseus%3Atext%3A1999.04.0057%3Aentry%3D%23111282 ''Philologia'', Liddell and Scott, "A Greek-English Lexicon", at Perseus]</ref> singkang kabangun saka tembung φίλος (''philos''), tegesé "asih, sayang, katresnan, kanca" lan λόγος (''[[logos]]''), singkang tegesé "tembung, sabda, artikulasi lan akal". Tembung majemuk iki karepé katresnan marang kawruh, sastra utawa ngèlmu argumèntasi.
== Sajarah filologi ==
Filologi muncul ing banawa Éropah ing jaman Renaisans. Kala iku wong dadi sadhar manawa tèks-tèks lawa singkang diwarisaké iku akèh singkang rusak. Mliginé tèks-tèks wigati kaya ta kitab suci akèh singkang dadi peteng utawa rusak déné kerep tinulad.
== Doning ngèlmu filologi ==
Don utawa tujuan ngèlmu filologi iku mligi kanggo mbenakaké teks-teks lawas singkang rusak lan uga diarani [[kritik tèks]]. Nanging iki dudu siji-sijiné obyèk panlitèn filologi. Filologi uga ngenani tafsir utawa interpretasi tèks.
Ing Nuswantara ana sawetara panemu ngenani filologi iki. Miturut Siti Barioh lan sakancané, tujuan filologi, ya iku kanthi nggarap naskah, filologi...
