Palanangan: Béda antara owahan

'''Palanangan''', uga karan '''planangan''', '''peli''', '''konthol''', utawa '''''pénis''''' (saka [[basa Latin]] singkang tegesé "buntut") utawa ing [[Basa Jawa Krama]] '''pajaleran''', kerep uga supaya luwih samar diarani '''manuk''', iku sawijining organ èksternal (amarga papané ing jabané awak) minangka organ sèksual utawa wewadi lan organ réprodhuksi manungsa lanang.

Pénis [[manungsa]] dumadi saka telung kolom ''tissue'' biologi: loro ''corpus cavernosum'' singkang jèjèr ing sisih ''dorsal'' lan siji ''corpus spongiosum'' singkang dumunung ing antarané ing sisih ''véntral''.

Pérangan pucuk ''corpus spongiosum'' singkang luwih gedhé mbentuk '''gathèl''' (endhas konthol), singkang dilindhungi kulit karan '''ikut''', singkang tumraping wong diwasa bisa ditarik kanggo munculaké gathèl. Wewengkon ing ngisor pénis, papan nèmpèlé kulit, diarani ''frènulum''.

[[Urethra|Urèter]], minangka pérangan pungkasan saka saluran uyuh ''urinary tract'', ngliwati ''corpus spongiosum'', lan bukakané, diarani [[External urethral orifice (male)|meatus]] ({{pron-en|miːˈeɪtəs}}), dumunung ing pucuking gathèl. Iki minangka dalan uyuh lan mani nalika éjakulasi. [[Spérma]] diprodhuksi sajeroning pringsilan lan disimpen ing ''èpididymis''. Sajeroning éjakulasi, spérma disurung menyang ''vas deferens'', rong saluran singkang ngliwati samburiné [[kandhung kemih|impes]]. Cuwèran ditambahaké déning ''sèminal vesicle'' lan disaluraké liwat saluran ''ejaculatory duct'' singkang nggabung karo urèter ing sajeroning klanjer [[prostat]]. Prostat lan uga klanjer ''bulbourethral'' nambahi sèkrèsi, lan mani disemprotaké liwat pénis.

Pénis manungsa béda karo singkang ana ing [[mamalia]] liyané, sebab ora duwé ''baculum'', utawa balung èrèksi, lan gumantung marang ''engorgement'' nganggo getih supaya bisa èrèksi. Pénis manungsa uga ora bisa ditarik lan dilebokaké sajeroning kanthong kulit (''groin''), lan ukurane luwih gedhé tinimbang rata-rata kéwan miturut proporsiné.