Lungguh: Béda antara owahan

'''Lungguh''' (Walanda: ''zitten'') iku lemah utawa bumi kanggo gaji.<ref>[1] G.P. Rouffaer, “Vorstenlanden”, ''Adatrechts Bundel XXXIV'', 1905, hlm. 239.</ref> Ing kabudayan Kulon, konsep iki diarani ''apanage'' (saka tembung Prancis ''apanage''). Nalika jaman penjajahan Walanda, sistem lungguh kulina diarani ''Mataramsch apanage-bezit'' amarga eksis ing Vorstenlanden (Praja Kejawen). Sanajan pernah misuwur ing abad 19, sistem lungguh saiki wis kabusak. Sistem lungguh iku salah sawijine pratanda birokrasi feodal.

 

Asal-usule lungguh ing Jawa isih peteng, durung ana konvensi saka para sarjana. Nanging kabeh sarujuk yen konsep lungguh mangkat saka konsep Vorstendomein utawa kagungane ratu.<ref>Soepomo, ''De Reorganisatie van het Agrarisch Stelsel in het Geweest Soerakarta'' („s Gravenhage: L. Gerretsen, 1927), hlm. 1-7;    </ref> Kabeh bumi iku diduweni dening ratu, termasuk apa wae ing duwure. Dadine kabeh kang urip ing dhuwure bumi nagara ora duweni hak darbe (Walanda: ''eigendomsrecht'').<ref>''De Locomotief'', 10 December 1888</ref> Para sikep utawa narakarya utawa kuli kenceng utawa wong tanen (Walanda: ''landbouwer'') mung bisa garap lemahe ratu ananging ora duwe hak adol lemah lan nyewakake. Mula kerep diarani wong anginan.<ref>G.P. Rouffaer, ''op. cit''., hlm.</ref> Hak ngolah iki biasa diarani sistem lemah komunal (Walanda: ''communaal land-bezit'') amarga digarap bareng-bareng. Kabeh lemah sing diolah banjur dipajegi.

 

Supaya rodhane praja bisa muter, ratu butuh narapraja kang ngurusi kabeh urusan kraton. Para narapraja iki banjur digaji nganggo lungguh utawa lemah gadhuhan. Kajaba narapraja, para sentana dalem utawa kulawarga ratu uga digaji lungguh kanggo panguripane. Para narapraja lan sentana iki biasa kasebut ''apanagehouder'' dening Walanda. Ana beda antarane lungguhe narapraja lan lungguhe sentana. Narapraja mung oleh lungguh sepanjang mereka menjabat, sedangkan sentana oleh lungguh nganti tekan turunan kapapat. Lungguhe narapraja sawayah-wayah uga bisa dijupuk dening ratu yen naraprajane iku kapocot.

 

Narapraja lan sentana biasane manggon ing kuthanegara, nanging bumi lungguh ana ing negaragung.<ref>G.P. Rouffaer, ''op''. ''cit''., hlm. 236</ref> Amarga beda panggonane, para ''apanagehouder'' ora bisa langsung ngurus lungguhe dewe. Lungguh iki banjur diurus karo bekel. Miturut cara pandang Walanda, bekel iku dadi  ''rentmeester'' alias penyewa lungguh. Ananging uga ana ''apanegehouder'' kang bisa langsung ngurus lungguhe dewe, iki diarani bekel ''ngiras''. Biasane bekel ngiras iku para narapraja cilik kang manggon ing nagaragung.

 

Sistem lungguh iki kerep dikritik dening sosialis kaya Pieter Brooshooft lan Van Kol amarga eksploitatif lan ora efisien. Pieter Brooshooft nyebut sistem lungguh iku marakake “penyakit kronis”.<ref>''De Locomotief'', 10 December 1888</ref> Van Kol nyebut sistem lungguh iku administrasine ora jelas, marakake akeh kabelingan.<ref>Van Kol & J. J. Samuel, ''Reisbrieven van H. Van Kol: de reorganisatie der Vorstenlanden en Vorstenlandsche toestanden naar aanleiding van Reisbrieven des heeren Van Kol, door J. J. S,'' (Djocja: Jogjasche Landhuurders Vereniging, 1911), hlm. 13-14.</ref> Paling pungkasan, A. Simon nyebut sistem lungguh dadi panyebab mlarate rakyat ing Vorstenlanden.

 

 

= Rujukan =