'''Gepuk''' inggih punika satunggaling dhaharan ingkang khas saking [[Sunda]], [[Jawa Kulon]]. Gepuk punika dhaharan ingkang kadamel saking daging sapilembu. Raosipun gepuk punika sekedhik langkung legi lan gurih. Limrahipun gepuk punika dipundamel kanthi ngginakaken daging sapilembu ingkang dipuniris setunggal arah kaliyan serat dagingipun lan banjur dipungodhog saksampunipun setengah mateng. Menawi sampun mekaten lajeng dipungebuk-gebuk dumugi radi empuk. Daging ingkang sampun empuk punika lajeng dipunlebetaken wonten ing bumbu ingkang sampun dipuncampur kaliyan santen. Lajeng dipungodhog malih dumugi toya santen wonten ing mriku susut. Menawi badhe dipuncawisaken dipungoreng rumiyin gepuk kanthi ngginakaken [[lenga|lisah]] ingkang sekedhik kemawon dumugi warninipun radi coklat. Gepuk punika langkung echo menawi dipunrahapi sareng kaliyan [[sega|sekul]] ingkang tasih anget kaliyan sambel.