Wiwitané kopi rada ora ditampa déning sebagéyan wong. Ing taun [[1511]], amarga èfèk rangsangan sing njalari, dipenging panggunaané déning para [[imam]] konservatif lan otodhoks ing majelis kaagamaan ing [[Makkah]]. Nanging amarga popularitas omben iki, mila larangan mau ing taun [[1524]] diilangaké jalaran titah [[Sultan Selim I]] saka [[Kasultanan Utsmaniyah]] Turki. Ing [[Kairo]], Mesir, larangan kang padha uga disahaké ing taun [[1532]], ing ngendi warung kopi lan gudhang kopi ditutup.
Saka donya [[Muslim]], kopi nyebar dhateng [[EropahÉropah]], lan ombenan iki dadi populèr sakwéné [[abad kaping 17]]. Wong [[Walanda]] sing sepisanan ngimpor kopi kanthi skala gedhé dhateng [[EropahÉropah]], lan ing sawijining wektu nylundhupaké wijiné ing taun [[1690]], amarga tandhuran utawa wiji mentahé ora diidinaké metu kawasan [[Arab]]. Iki banjur diterusaké kanthi pananduran kopi ing [[Jawa]] déning wong Walanda.
Nalika kopi tekan kawasan koloni [[Amérikah]], kawitané ora kasil kaya ing [[EropahÉropah]], amarga dianggep kurang bisa nggantèkaké [[alkohol]]. Nanging, sakwisé [[Perang Révolusi]], panyuwunan marang kopi ningkat cukup dhuwur, nganti para panyalur kudu mbukak parsedyan cadhangan lan ngundhakaké regané sacara dramatis; sebagéyan perkara iki amarga didhasari déning mudhuné pasedyan [[tèh]] déning para pedhagang [[Inggris]]. Minat wong [[Amérika]] marang kopi tuwuh ing wiwitan [[abad kaping 19]], nyusul dumadiné perang ing taun [[1812]], ing ngendi aksès impor tèh kapedhot sauntara, lan uga amarga ningkaté tèknologi panggawéan minuman, mila posisi kopi minangka komodhitas saben dina ing Amérikah saya kuwat.
