|
=== Wêdhus kacang ===
Wêdhus kacang yaikuya iku wêdhus saka [[ras]] unggulan kang sêpisanan dikembangaké ing [[Indonésia]].<ref name="internet1"/> Wêdhus jinis iki awaké cilik.<ref name="internet1"/> Dhuwuré ''gumba'' utawa [[jenggot]] ing wêdhus lanang kurang luwih [[60]] [[cm]] nganti [[65]] [[cm]], ananging yèn wêdhus wédok mung [[56]] cm.<ref name="internet1"/> Boboté wêdhus lanang bisa nganti [[25]] [[kilogram]], ananging wêdhus wédok mung [[20]] kg.<ref name="internet1"/> Wêdhus iki [[kuping]]é têgak, wuluné lurus lan cêkak.<ref name="internet1"/> Wêdhus lanang lan wêdhus wédok padha-padha nduwé [[sungu]] kang cacahé [[loro]].<ref name="internet1"/>
=== Wêdhus Étawa ===
Wêdhus [[Étawa]] kalêbu wêdhus kang asalé saka [[India]] kang diarani wêdhus [[Jamnapari]].<ref name="internet1"/> Awaké gêdhé, dhuwuré gumba nganti [[90]] cm nganti tekan [[127]] cm ing wedhus [[lanang]], ananging wedhus [[wedok]] mung [[92]] cm.<ref name="internet1"/> Boboté wedhus lanang nganti [[91]] [[kilogram]], lan wedhus wedok [[63]] kilogram.<ref name="internet1"/>
Wedhus iki nduwéni [[kuping]] dawa lan madhep mengisor.<ref name="internet1"/> [[Bathuk]] lan [[irung]]é nduwéni bentuk [[cembung]].<ref name="internet1"/> Wedhus lanang apadéné wedhus wédok nduwéni sungu kang cekak.<ref name="internet1"/> Wedhus jinis iki bisa ngasilaké [[susu]] nganti telung [[liter]] saben [[dina]].<ref name="internet1"/> Keturunan silangan utawa [[hibrida]] wedhus etawa lan wedhus lokal diarani wedhus peranakan etawa utawa PE. Wedhus [[PE]] ukurané méh padha karo wedhus étawa ananging luwih bisa [[adaptasi]] ing lingkungan lokal Indonésia.<ref name="internet1"/>
Salah sijiné [[kunci]] suksés saka ''peternakan'' wedhus étawa yaikuya iku kabisan kanggo ngawinaké wedhus ing wayah kang pas saéngga asilé bakal cepet ntuk anakan utawa kang diarani ''cempé''.<ref name="internet2">{{id}}[http://www.etawajaya.com/ etawajaya.com](dipunundhuh tanggal 24 Mei 2011)</ref> Wedhus étawa betina wis bisa dikawinake nalika umure [[6]] [[sasi]].<ref name="internet2"/>
=== Wedhus Jawarandu ===
Wedhus Jawarandu yaikuya iku wedhus asil persilangan antarané wedhus [[Étawa]] karo wedhus [[kacang]].<ref name="internet1"/> Wedhus iki nduwéni ciri separo mirip wedhus wtawa lan separo mirip [[wedhus kacang]].<ref name="internet1"/> [[Wedhus Jawarandu]] bisa ngasilaké [[susu]] kang akéhé [[1,5]] [[liter]] saben [[dina]].<ref name="internet1"/>
=== Wedhus Saenen ===
Wedhus Saenen yaikuya iku wedhus kang asalé saka [[Saenen]], [[Swiss]].<ref name="internet1"/> Wedhus jantan lan betina saka jinis iki leloroné ora nduwé [[sungu]].<ref name="internet1"/> Wuluné awerna [[putih]] utawa [[krem]] [[pucet]].<ref name="internet1"/> [[Irung]] lan [[kuping]]é wedhus Saenen nduwéni [[werna]] belang [[ireng]].<ref name="internet1"/> Bathuké amba, nanging kupingé nduwéni ukuran kang ora patiya gedhe lan ora patiya cilik, kupingé nduwéni bentuk tegak mendhuwur.<ref name="internet1"/> Wedhus iki kalebu jinis wedhus kang bisa ngasilaké susu.<ref name="internet1"/>
===Wedhus Kacukan===
Wedhus kacukan yaikuya iku wedhus asil saka ''perkawinan'' wedhus kacang lan baka-baka saka luar negeri kayata [[Anglo Nubian]], [[Jamnapari]] lan uga kacukan karo baka-baka kang bisa ngasilaké susu kayata [[Saanen]],[[Toggenburg]] lan [[British Alpine]].<ref name="internet3"/> Wedhus kang biyasané ana ing kampung-[[kampung]] yaikuya iku wedhus kacukan.<ref name="internet3"/> Rupané wedhus iki mirip kaya induké, lan boboté kurang-luwih [[23]] nganti [[35]] [[kg]] yèn umuré wis setaun.<ref name="internet3"/> Wedhus kacukan kang déwasa uga nduweni bobot kang luwih tinimbang wedhus kacang.<ref name="internet3"/> Nalika lahir boboté kurang luwih [[2]] kg nganti [[2,5]] kg saben wedhus.<ref name="internet3">{{id}}[http://www.agribdc.gov.my/web/guest/kacukan agribdc.gov.my](dipunundhuh tanggal 24 Mei 2011)</ref>
===Wedhus Boer===
Wedhus Boer asalé saka [Afrika Selatan]].<ref name="internet7"/> Tembung Boer tegesé [[petani]].<ref name="internet7"/> Wedhus boer kalebu wedhus pedaging kang cepet banget gedhé.<ref name="internet7"/> Boboté wedhus bisa nganti [[35]]-[[45]] kg nalika umuré lima nganti enem [[sasi]].<ref name="internet7"/> Daging wedhus boer luwih akeh tinimbang [[wedhus lokal]].<ref name="internet7"/> Dagingé kurang luwih nganti 40%-50% saka bobot awaké.<ref name="internet7">{{id}}[http://www.indonesiaboergoat.com/ind/whyraiseboergoat.html indonesiaboergoat.com](dipunundhuh tanggal 24 Mei 2011)</ref>
Wedhus boer gampang dikenali, ciriné yaikuya iku awaké dawa, amba, wuluné putih, sikilé cendhak, irungé cembung, kupingé dawa lan nggantung.<ref name="internet7"/> Sirahé wernané [[coklat]] rada abang utawa coklat [[enom]], ana uga kang coklat tuwa.<ref name="internet7"/> Ana uga wedhus boer kang nduwéni [[garis]] putih mengisor ing rainé.<ref name="internet7"/> Kulité wernané coklat, iki kang bisa njaga saka [[kanker]] [[kulit]] kang disebabaké saka cahya [[srengéngé]].<ref name="internet7"/> Wedhus boer senengané ndhédhé ing wayah [[awan]].<ref name="internet7"/>
'''Saliyane kuwi''', uga ana jinis kewan liya kang diarani [[wedhus gembel]] kang saemper karo wedhus.
==Daging==
Saka ''peternakan'' wedhus kang dijupuk asilé yaikuya iku daging wedhus, daging wedhus biyasané di dol kiloan ing [[pasar]].<ref name="internet5"/> [[Daging]] wedhus bisa diolah dadi [[masakan]].<ref name="internet5"/> Masakan kang nganggo bahan dhasar daging wedhus yaikuya iku, [[semur]], [[satè]] wedhus, [[empal]], [[sega pindhang]], [[sega gandhul]] lan akéh manéh liyané.<ref name="internet4">{{id}}[http://www.resep-masakan.net/resep-sate.php resep-masakan.net](dipunundhuh tanggal 24 Mei 2011)</ref>
Kanggo wong kang lara [[sroke]] lan [[hiperténsi]] utawa darah tinggi, kudu-ati-ati yèn mangan daging wedhus.<ref name="internet5"/> Daging wedhus ngandhut kadar lemak kang akéh. Mulané yèn kakèyan mangan daging wedhus bakal nganggu [[kaséhatan]].<ref name="internet5"/>
| 