'''Zukini''' (saking [[Basa Italia]], ''zucchine'' (tunggal) utawi ''zucchini'' (jamak) inggih menikapunika jinising [[labu]] alit ingkang wohipun dipunpanèn sadèrèngipun mateng minangka [[janganan]]. Janganan menikapunika kalebet salah satunggaling wujud budidaya saking ''[[Cucurbita pepo]]''. Wonten ing negari [[Prancis]], [[Inggris]], lan negaranagara-negaranagara [[Benelux]] janganan menikapunika langkung kondhang minangka ''courgette'' (dipunwaos "kurzet"). Warni njawinipun woh kasebut limrahipun saged warni [[kuning]] lan [[ijo]] enèm utawi ijo tua. Wujudipun woh menikapunika mirip kalihan [[timun]], sanajan wonten ingkang wujudipun bunder utawi kados gendul (botol) gumantung kalihan [[kultivar]]ipun.
Janganan menikapunika katingal tasih énggal dipuntepangi ing [[Indonesia]] (paruh angka kalih abad kaping 20) sanajan sampun kondhang ing [[masakan Éropah]]<ref name="zukini">{{id}} [https://docs.google.com/viewer?a=v&q=cache:Bpk1hyyJZlwJ:blog.ub.ac.id/cakhaqi01/files/2011/03/Modul-prakt-tek-prod-tan-horti.docx+kandungan+buah+zukini&hl=id&gl=id&pid=bl&srcid=ADGEESgIhmgmypWnIddOIVjwSmDzQAsISbQyzINcAGpqEglsoVXjGmYq8bCUTGdNPoyB4NGnoXx5YDz5IPRRX1LMxnWU3Ski-vuv1uUejexMNL_OtidmHO9XNTlhBxX99aGqgfQ_scFQ&sig=AHIEtbTpvb4FYIwO4gyAFywQ8gom_RCaMw Zuccini], (dipun''akses'' tanggal 26 Februari 2013)</ref>. Pangginaan zukini padatanipun mirip kalihan [[belustru]], [[gambas]] (oyong) utawi [[beligo|bligo]], inggih menikapunika dipunmasak mawi duduh ingkang èncèr. Ing saperangan papan, zukini dipuntugel-tugel lajeng dipunmasak kanthi cara dipungorèng. Zukini menikapunika arang dipundhahar kanthi mentah tanpa dipunolah rumiyin.
== Paédah zukini ==
Kejawi saking babagan [[nutrisi]], mupangat sanès saking woh zukini kangge kasarasan menikapunika dèrèng kathah dipunsinaoni. Ananging wonten sapérangan pasinaon babagan labu menikapunika dhumateng kéwan ing dados pacoban. Kejawi menikapunika pasinaon-pasinaon ingkang sampun kalampahan langkung mirsani labu kanthi wetah sanès kanthi spesisifik namung zukini. Minangka [[antioksidan]] zukini menikapunika kalebet sumber ingkang saé saking [[mangan]], [[vitamin C]], lan [[vitamin A]] ingkang dados antioksidan. Kejawi menikapunika wonten ugi kandhutan [[antioksidan]] sanès kadosta [[lutein]] lan [[zeaxanthin]]. Aktivitas zat antioksidan wonten ing zukini kalebet ingkang stabil lan sampun kabukti saking asiling pasinaon dhumateng keaktifan antioksidan zukini ingkang sampun dipundamel beku. Supados pikantuk mupangat kanthi wetah saking antioksidan ingkang wonten ing zukini langkung saé bilih menawi dhahar boten namung dagingipun kemawon ananging inggih ugi kulit lan wijinipun.
== Kandhutan zukini ==
Woh zukini ngandhut [[vitamin B]] kompleks (B1, B2, B3, B6, folat, lan kolin), ugi [[serat]] pangan ingkang mupangat anggènipun ngatur kadar gula ing getih. Saking asiling panalitèn ing kewan pacoban nedahaken vilih wonten mupangat antiinflamasi ing sistem kardiovaskular lan saluran pancernaan, ingkang asalipun saking [[omega-3]] (ingkang wonten ing woh zukini), senyawa karoten lutein, zeaxanthin, lan beta-karoten, sarta senyawa antiinflamasi aking golongan polisakarida inggih menikapunika homogalacturonan. Wontenipun kombinasi antawisipun antioksidan lan antiinflamasi ingkang wonten ing zukini saengga saged dipunaturaken bilih woh menikapunika gadhah mupangat minangka anti kanker.<ref name="Zucchini">[http://duniafitnes.com/healthyfoodrecipe/egg-sandwich.html ''Egg Sandwich'']</ref>
