Calzone
Calzone (/kælˈzoʊni/, US /kælˈzoʊneɪ/ or /kælˈzoʊn/, UK /kælˈtsoʊni/; Italian: palafalan jroning basa Italia: [kalˈtsoːne], kang tegesé "stoking" utawa "kathok dawa")[1] ya iku sawiji pizza saka Italia kang dipanggang lan dilempit[2] kang baka mulané ing Naples.[3] Calzone lumrahé kagawé saka adonan roti kang diuyahi, dipanggang ing sawiji oven lan diisi nganggo salami utawa ham, mozzarella, ricotta lan Parmesan utawa kèju pecorino, karo endhog.[3] Bedhaning varias-variasi calzone ing sawenèh tlatah asringé bisa nyakup bahan-bahan liya kang lumrahé dikaitaké karo topping-topping pizza.
Variasi-Variasi ing sawenèh tlatah besut
Ing Italia besut
Calzone-clazone kang ukurané kaya roti isi iku asringé didhol déning tukang dagang kaki lima nalika wektu mangan awan, amarga panganan iki gampang banget dipangan karo ngadheg utawa lumaku.[4] Variasiné calzone kang digorèng iku lumrahé diisi nganggo tomat lan mozzarella: jinis iki digawé ing Apulia lan diarani panzerotti.[5]
Pizza saka Sisilia kang jenengé cuddjiruni, utawa cuddjuruni iku ana gandhèngané karo calzone nanging ora cedhak. hidhangan iki diisi nganggo bawang bombay (utawa kadang kala janganan liyané, kaya ta kenthang utawa brokoli), anchovies, zaitun, kèju lan mortadella; adonan pizza kang uwis digulung banjur dilempit dadi numpuki isèn-isèn iku mau lan pinggiran-pinggirané iku di kelètaké sadurungé digoréng.
Ing Amérikah Sarékat besut
Ing Amérikah Sarékat, calzone-calzone iku lumrahé kagawe saka adonan pizza lan banjur diisi nganggo daging-daging, kèju-kèju lan sayuran-sayuran. Adonan tradhisional calzone dumadi tepung, ragi, lenga zaitun, banyu lan uyah. Calzones iku padha karo stromboli; sanajan mangkono, tradisionalé, loro-lorné iku hidhangan kang béda jinisé.
Minangka paugeran, calzone-calzone iku lumrahé diisèni nganggo kèju-kèju kaya ta ricotta, mozzarella, Parmesan, provolone utawa sawiji kèju lokal liyané. Adonané dilempit dadi wujudé kaya setengahé wulan, banjur dikelètaké nganggo campuran endhog utawa awujud kaya bal. Banjur, iku mau dipanggang utawa digoreng. Sawisé dimasak, calzone-calzone bisa di sajèkaké karo saos marinara, utawa panggantiné diwènèhi ing dhuwuré gabungané bawang putih, lenga zaitun, lan godhong parsley: nanging gumantung karo tlatahé ing amèrika.
Scacciata iku hidhangan kang persis karo calzone; nanging, panganan iki lumrahé diisi nganggo manawa ora brokoli, bayem, kenthang utawa bawang bombay, ya kadang kala sosis.
Rujukan besut
- ↑ "dictionary.com". Dictionary.reference.com. Dibukak ing 2012-11-07.
- ↑ "calzone | Jamie Oliver | Food | Recipes (UK)". Jamie Oliver. Dibukak ing 2012-11-07.
- ↑ a b Gosetti (1967), p.785
- ↑ MacKenzie, Shea (1995). The Pizza Gourmet. Garden City Park, N.Y.: Avery Pub. Group. kc. Preface iv. ISBN 089529656X.
- ↑ Annamaria Settanni McDonald. "Puglia panzarotti". Justapinch.com. Dibukak ing 2012-11-07.