Parmigiano-Reggiano
Parmigiano-Reggiano inggih punika kèju mawi tekstur atos saking susu sapi ingkang dipundamel ing laladan-laladan ing Italia déning ingkang damel kèju kagabung ing Consorzio Formaggio Parmigiano-Reggiano.[1][2] Consorzio Formaggio Parmigiano-Reggiano inggih punika organisasi swatantra ingkang ngurus babagan produk susu.[2] Keju punika dipundamel ugi ing nagara sanès kados ta Argentina, Australia, lan Amérikah Sarékat anthi nama parmesan.[3] Namung kèju ingkang dipundamel ing Italia ingkang saded dipunsebat Parmigiano-Reggiano.[3] Keju punika pikantuk namanipun saking laladan minangka papan minangka kèju kaebut dipundamel.[4] Parmigiano ateges saking Parma wonten ing Basa Italia.[4] Déné Reggiano tumuju ing laladan Reggio-Emilia.[4] Keju punika dipundamel ing sapérangan laladan ing Italia, kados ta Bologna, Modena, Parma, Reggio Emilia, lan Montova.
Sajarah
besutSajarah kèju punika kawiwitan ing abad kaping 13, ing provinsi-provinsi ing lor Italia, inggih punika Parma, Reggio Emilia, Modena, lan Bologna.[2] Ing laladan-laladan mau kèju dipundamel ing biara-biara.[2] Biara-biara mau mapan wonten ing lemah wiyar ingkang cocog kanggé ingon sapi.[2] Para biarawan ing mriku remen nandur semanggi lan kanggé pakan sapi. Susu ingkang dipunasilaken punika dipunpengaruhi déning panganan ingkang dipunpangan sapi lan semanggi punika maringi rasa unik wonten ing susu ingkang dipunasilaken.[2] Susu mau lajeng dipundamel dados keju Parmigiano Reggiano.[2] Prosès anggènipun damel kèju punika sampun kathah éwah saking kapanggih ing taun 1200an.[2]
Seratan kuna kapisan ingkang nyebataken babagan kèju Parmigiano Reggiano inggih punika seratan saking Adamo Salimbene satunggaling biarawan ingkang manggèn wonten ing Parma sakiwa-tengené taun 1200 dumugi 1300 M.[3] Nalika era Romawi, produksi lan kondhangipun kèju saking Parma punika dipunserat déning Columella, Varrone lan Marziale.[1] Seratan sanèsipun saking abad kaping 16 déning Apicius kanthi irah-irahan De Culinaria.[5] Piyambakipun nyebataken bilih Parmigiano Reggiano utawi Casues Parmensis kalebet ingkang saé piyambak ing Italia lan namung saged katandhingi déning kèju Etruria inggih punika Marceolinus utawi Marzolino ingkang sampun cures.[5] Nalika taun 1364, Giovanni Boccaccio nyebataken babagan Parmigiano nalika ngandharaken babagan Paese di Bengodi utawi lemah legenda ingkang sugih ing karyanipun Decameron.[1][3] Piyambakipun paring pamrayogi supados nyampur kèju mau mawi maccheroni lan ravioli.[1] Seratan Boccaccio mbuktekaken bilih kèju mau cekap kondhang ing sadaya laladan lor Italia.[3] Nalika taun 1568, Bartolomeo Scappi, tiyang Dominika ingkang dados juru masak kanggé Paus Pius V nyerat buku masakan ingkang nyebataken bilih kèju Parmigiano minangka kèju ingkang saé piyambak ing donya.[3][6]
Wujud lan tèkstur
besutKèju punika awujud bunder kados drum lan gadhah kulit warna kuning alami.[7] Diameter kirang langkung 14-18 inci lan dhuwur 7-9 inci. Bobotipun 24 kilogram. IngItalia, keju punika dipunsadé kanthi tugelan ageng lan kasar. Kèju Parmigiano gadhah aroma ingkang legi kados woh-wohan. Rasa saking kèju punika kuwat nanging boten landhep, kados nanas seger.
Ugi pirsani
besutCathetan suku
besut- ↑ a b c d Parmigiano-Reggiano DOP, Academia Barilla.
- ↑ a b c d e f g h Parmigiano-Reggiano, The King of Cheeses, The Nibble.
- ↑ a b c d e f Parmesan Cheese Buying and Storing Tips, I Love Cheese.
- ↑ a b c Cheese, Glorious Cheese! Archived 2010-04-02 at the Wayback Machine., Select Italy.
- ↑ a b History Archived 2004-10-14 at the Wayback Machine., Iemmi Parmesan.
- ↑ Tortellini In Brodo Archived 2008-09-26 at the Wayback Machine., Coquinaria.
- ↑ Harbutt, Juliet (2006). The World Encyclopedia of Cheese. Anness Publishing Ltd. ISBN 978-1-84309-960-4. Page 53.
Pranala njawi
besut| Wikimedia Commons duwé médhia ngenani Parmesan cheese. |