Musée des Arts Décoratifs
Musée des Arts Décoratifs, sawijining musiyum desain lan seni dekoratif, 107 rue de Rivoli, Paris 1er, Pérangan saking Les Arts Décoratifs.
| Wikimedia Commons duwé médhia ngenani Musée des Arts Décoratifs. |
Dumunung wonten ing sisih kilén Musée du Louvre, dipuntepangi minangka Pavillon de Marsan, musiyum punika kabangun rikala taun 1905 déning anggota Union des Arts Décoratifs. Kagungan lan mameraken furnitur, desain interior, altar, lukisan keagamaan, objets d'arts, permadani, kertas dinding, keramik lan barang kaca, ugi dolanan saking Abad Pertengahan dumugi sapunika.[1]
Koleksinipun langkung kathah awujud furnitur Perancis, piranti méja dhahar, karpét kados saking Aubusson, porselen kados ingkang kadamel déning Manufacture nationale de Sèvres, lan sajumlah ageng barang kaca déning René Lalique, Émile Gallé lan sanèsipun. Lan wonten ugi tuladha modhèren déning perancang kados Eileen Gray, Charlotte Perriand, lan gaya Art Nouveau lan Art Déco. Nanging, koleksi sanèsipun ingkang asalipun saking abad angka 13 nalika Éropah dados kutha krajan budaya donya Barat.[2]
Ketertarikan tumrap publik inggih punika ruangan periode. Tuladhanipun péranganing griya Jeanne Lanvin (dipundekorasi Albert-Armand Rateau (1884-1938) ing wiwitan taun 1920-an) ing 16 rue Barbet-de-Jouy wonten ing Paris. Sanèsipun inggih punika ruwang dhahar seniman grafis Eugène Grasset taun 1880, lan Lemari Emas Avignon 1752. Lan, kaods déné musiyum Perancis sanèsipun, wonten kamar sarè courtesan 1875 Lucie Émilie Delabigne, ingkang dados inspirasi karakter utama novèl karya Émile Zola, Nana (1880).[3]
Sapèrangan cacahing pameran musiyum sampun pikantuk penghargaan. Yvonne Brunhammer, satunggaling kurator lan direktur musiyum sadangunipun 4 dekade wiwit 1950-an lan tiyang ingkang manggihaken malih Eileen Gray, ngawontenaken pameran 1966, "Les Années '25': Art Déco/Bauhaus/Stijl Esprit Nouveau". Pameran punika ngusung tema "Art Déco", sebutan ingkang ngandharaken desain antawising Perang Donya, mliginipun desain modhèren Perancis.
Museum punika wonten sami kaliyan institusi desain lan seni dekoratif sajinis kados ta Victoria and Albert Museum wonten ing London lan inspirasi tumrap koleksi sadhèrèk Hewitt ing Cooper Union (pendahulu Cooper-Hewitt, National Design Museum) ing New York City. Nanging, amargi kathahipun pameran seni asli ingkang numpuk ing musiyum Paris, fokusipun sampun mudhar lan njalari namanipun—Musée des "Art Decoratifs"—dados salah teges.
Musée des Arts Décoratifs dipuntutup wiwit 1996 amargi renovasi yasan lan 6.000 karya saking koleksinipun. Renovasinipun mbetahaken béya €35 yuta (sakitar $45 yuta, taun 2006). Museum punika dipunbikak malih 15 September 2006. Béatrice Salmon, direktur lan pengawas restorasi, sampun nyebut koleksi punika minangka "sajarah selera Perancis lan seni lan desain dekoratif ing Perancis" lan ngendika: "Tiyang ing Perancis mangertos kados pundi gesang kaliyan lukisan lan pahatan ing sawijining musiyum, nanging boten mangertosi kados pundi anggènipun nerjemahaken" (Rawsthorn, International Herald Tribune, 3 September 2006).
Uga delengen
besutCathetan suku
besut- ↑ http://www.lesartsdecoratifs.fr/
- ↑ http://www.ucad.fr/ Website for Musée des Arts Décoratifs
- ↑ "Archive copy". Diarsip saka sing asli ing 2015-02-17. Dibukak ing 2013-02-19.
{{cite web}}: CS1 maint: archived copy as title (link)
- Anon. (1984). Chefs d'œuvre du Musée des Arts Décoratifs, Paris: Musée des Arts Décoratifs, ISBN 2-08-012043-3
- Brunhammer, Yvonne (1992). Le beau dans l'utile: Un musée pour les arts décoratifs, Paris: Gallimard, ISBN 2-07-053196-1
- Rawsthorne, Alice. "A Paris Mecca of the decorative arts opens anew", International Herald Tribune, 3 September 2006
Koordhinat: 48°51′46.02″N 2°20′2.79″E / 48.8627833°N 2.3341083°E
 | Artikel gegayutan musiyum iki minangka artikel rintisan. Kowé bisa ngéwangi Wikipédia ngembangaké. |