Musiyum Pusat TNI AU Dirgantara Mandala

Museum TNI AU Dirgantara Mandala ya iku musiyum kang diresmekake tanggal 4 April 1969 déning Panglima Angkatan Udara Laksamana Udara Rusmin Nuryadin ing Makowilu V Tanah Abang Bukit, Jakarta.

Logo Resmi Museum Pusat TNI AU Dirgantara Mandala

Amrga ana pertimbangan yèn Yogyakarta minangka panggonan lair lan pusat perjuangan TNI AU periode 1945-1949 sarta panggonan panggodokan Karbol AAU, mula ing wulan November 1977 Museum AURI ing Jakarta dipindahake lan diintegrasekake karo Museum ing Ksatrian AAU ing Pangkalan Adisutjipto, Yogyakarta, lan tanggal 29 Juli 1978 diresmekake minangka Museum Pusat TNI AU Dirgantara Mandala.

Ing taun 1984 Museum dipindahake ing Wonocatur ya iku ing sawijining gedhong sajarah. Gedung iki nalika penjajahan Walanda dadi sawijining pabrik gula lan nalika pendudukan Jepang digunakaké minangka Depo Logistik. Ing wulan Oktober 1945 BKR lan para pejuang kemerdekaan kasil ngoyok Pangkalan Udara Maguwo (saiki Lanud Adisutjipto) saka Jepang, kalebu kabèh unsur logistik lan fasilitase kang banju digunakaké minangka unsur kekuwatan wiwitan TNI Angkatan Udara.

KOLEKSI MUSEUM

Museum TNI AU duwé punjul 10.000 koleksi komponèn alutsista lan 40 motor mabur saka nagara kulon nganti wétan, lan duwé koleksi wujud diorama-diorama, foto-foto, lukisan-lukisan, tandha-tandha kaurmatan, lan liya-liyané kang disusun lan ditata dhedhasar kronologi prastawa.