Now You See Me (filem)
Now You See Me ya iku salah sijiné film saka Amérikah Sarékat kang digawé taun 2013. Film kang disutradarani Louis Leterrier iki, paragané antarané Jesse Eisenberg, Mark Ruffalo, Woody Harrelson, Isla Fisher, lan Dave Franco. Now You See Me dibabar tanggal 31 Mèi 2013 déning Summit Entertainment lan Lionsgate.[4][5][6][7]
| Now You See Me | |
|---|---|
 Poster Film | |
| Disutradarani | Louis Leterrier |
| Diprodhuseri | Bobby Cohen Alex Kurtzman Roberto Orci |
| Diskénariyoni | Ed Solomon Boaz Yakin Edward Ricourt |
| Carita déning | Boaz Yakin Edward Ricourt |
| Dibintangi | Jesse Eisenberg Mark Ruffalo Woody Harrelson Mélanie Laurent Isla Fisher Dave Franco Common Michael Caine Morgan Freeman Michael Kelly |
| Dimusiki | Brian Tyler |
| Sinématografi | Mitchell Amundsen Larry Fong |
| Dibesut déning | Robert Leighton Vincent Tabaillon |
Perusahaan prodhuksi | |
| Dibabar déning | Summit Entertainment Lionsgate |
Tanggal metu | |
Suwéné | 115 Menit[1] 125 minutes (Extended cut)[2] |
| Nagara | Amérikah Sarékat Prancis |
| Basa | Inggris |
| Rantaman | $75 Juta[3] |
| Kalarisan | $351,723,989 |
Ingkang maragani
besutRingkesan
besutFilm iki diwiwiti saka anané wong misterius kang ngajak papat pesulap, ya iku Daniel (Jesse Eisenberg) kang prigel dolan kartu, Henley (Isla Fisher) kang ahli ana ing pagelaran sulap ndrawasi, Jack Wilder (Dave Franco) kang prigel sulap tangan, lan Merrit (Woody Harrelson) kang prigel ing babagan hipnotis. Wong papat mau ora ngerti sapa kang ngundang, amarga ing apartemen mung ana katrangan babagan proyek gedhé kang kudu dicakaké. Kabèh rancangan disiapké suwéné setaun. Sabanjuré, wong papat mau gelaraké sulap, ditonton éwon pamirsa, nganggo jeneng hourse man. Pagelaran kapisan digelar ing Las Vegas kanthi sponsor Arthur Tressler (Michael Caine), salah sijiné pengusaha asuransi.
Ing pagelaran kuwi, horse man ngajak para pamirsa ngrampok bank. Salah siji pamirsa asal Perancis diceluk maju, terus dilebokaké ing piranti kang jarené bisa mindhah wong tumuju maring Perancis. Sawisé mingslep ing njero mesin, Daniel Atlas kasil ngajak ngomong nganggo kodhak kang ngatonaké yèn wong mau bener-bener wis pindah ing bank ing Perancis. Ora let suwé, dhuwit kang saka bank mau mawur-mawur ing sajeroné ruangan kang isiné éwon pamirsa lan dadi rebutan.
Mesthi waé kadadéan kuwi agawe geger sagung pamirsa lan uga pulisi ing Las Vegas sarta nagara Perancis. Mula saka kuwi Dylan (Mark Ruffalo) kajibah nangkep wong papat mau. Ora lali, saka Perancis ngirim Alma (Melanie Laurent) supaya mèlu nyisik melik. Nanging jebul ora ana bukti kang bisa dadi tenger anané kadadéan kang nglibatake wong papat kuwi, saéngga ditokké manèh. Apa manèh kang jenengé sulap, antarané bisa dipracaya lan ora bisa dipracaya.
Pamentasan kaping loro dicakke ing New Orleans lan luwih nggegirisi tinimbang sadurungé. Arthur Tressler minangka kang nyokong adicara kuwi mangerteni rancangan Thaddeus awujud ancaman kanggone para horse man. Arthur nawani dhuwit supaya Thaddeus lunga saka kutha kono, nanging ora gelem. Pamentasan diwiwiti kanti ngongkon kabèh pamirsa nulisaké saldo rekening bank-e dhéwé-dhéwé ing amplop. Semono uga ing panggung, ana saldo rekeninge Arthur. Ora nyana, mbarang saldone para pamirsa munggah sithik-sithik, jebul agawe rekeninge Arthur mudhun sithik-sithik. Wiwitane Arthur ngira yèn kuwi mung dolanan, nanging jebule pancen nyata. Dylan lan Alma (interpol saka Perancis) ngoyak wong papat mau, ora ana kang kecekel, malah salah siji punggawane, Jack Wilder, mati ing dalan sawisé mobile kobong. Dylan lan Alma kasil nglacak panggonan kang kanggo umpetan papat pesulap mau ing salah sijiné apartemen, lan nggrebek. Daniel, Henley lan Merrit kasil lumayu.
Pamentasan kaping telu diwiwiti, Dylan lan Alma ngupayakke kareben gagal supaya bisa nangkep wong telu mau. Nanging pamentasan tetep dicakke ana ing dhuwure gedung tengah kutha, ditonton maewu-èwu pamirsa. Punggawa horse man ngilang lan nyebar dhuwit saka sadhuwure pamirsa. Jebul dhuwite mung dhuwit-dhuwitan, amarga dhuwit kang asli ana ing sajerone mobile Thaddeus. Nalika Thaddeus tumuju ing mobile, ujug-ujug dhuwite wutah saka njero, lan ora let suwé Thaddeus ditangkep déning Dylan.
Jebulé ing paméntasan kaping papat mau direkam déning Thaddeus (Morgan Freeman), wong kang ora seneng tumrap para pesulap. Dhèwèké tansah ndungkap wewadine para pesulap lan ngedol rekamane ing internet. Dylan lan Alma nemoni Thaddeus nggolèk katrangan, lan diwènèhi sakabèhé kanthi nuduhaké yèn ing sangisore panggung kuwi ana bolongan kang tumuju ruangan kang mèmper karo brankas ing Perancis.
Ing pakunjaran, naiika ditiliki karo Dylan, Thaddeus omong yeng dhèwèké rumangsa dijebak nganggo dhuwit. Dhèwèké nyoba ngetokke téyori-téyori wadine para punggawa horse man.
Para punggawa horse man, kalebu Jack Wilder kang jebule esih urip kumpul ing sawijiné taman saperlu nemoni wong misterius kang ngajak ngecakke proyek balas dendam kuwi. Jebul, ora liya wong kuwi Dylan, pulisi kang sasuwéné iki dadi "mungsuhe".
Sambungan
besutIng taun 2016, sambungan film iki digawé kanti judhul Now You See Me 2, kanti owah-owahan lumebune Lizzy Caplan minangka Lula, kang ngganti Isla Fisher minangka Henley Reeves, salah siji punggawane Four Hoursmen kang metu.
Rujukan
besut- ↑ "NOW YOU SEE ME (12A)". British Board of Film Classification. 2013-05-28. Dibukak ing 2013-05-28.
- ↑ "Lionsgate Press Release: Now You See Me (Blu-ray) - Blu-ray". Home Theater Forum. 2013-08-27. Dibukak ing 2013-08-31.
- ↑ Kaufman, Amy. "'Fast & Furious 6' to speed past 'After Earth' at the box office". Los Angeles Times. Dibukak ing 2013-06-02.
"Now You See Me" cost roughly $75 million
- ↑ "Now You See Me (I) (2013) Full Cast & Crew". imdb.com. IMDb. Dibukak ing November 3, 2016.
- ↑ Lussier, Germain (October 25, 2011). "'Ender's Game' Has A Release Date, So Does 'Red 2,' 'Now You See Me' And Others". Slashfilm.
- ↑ Chitwood, Adam (November 3, 2011). "First Synopsis and Promo Poster for NOW YOU SEE ME Starring Jesse Eisenberg and Woody Harrelson". Collider.
- ↑ "Be on the lookout for Tom Cruise, Leonardo DiCaprio, Chris Evans, Tom Hanks, Jesse Eisenberg & more celebs filming in Louisianadate=December 21, 2011". On Location Vacations. Diarsip saka sing asli ing October 20, 2020. Dibukak ing April 22, 2017.