Oblok-oblok

Oblok-oblok utawa sok diarani bétitét iku panganan kang digawé saka warna-wernaning sisa jangan (sayur), lawuh lan lalapan banjur di campur dadi siji lan di garang ana pawon nganggo nanangan. Oblok-oblok kang di garang ana ing nanangan nganti telu utawa patang dina bisa tambah énak rasané, rupané lan wujudé banjur kaya gudheg. Panganan kang siji iki awèt lan ora rikat mambu (basi). Oblok-oblok luwih énak dipangan karo sega putih lan krupuk. Lumrahé oblok-oblok diwadhahi ana ing jero kuwali