Olos

Olos iku panganan saka Jatirawa, Kabupaten Tegal, Jawa Tengah, Indonésia. Panganan iki digawé saka kol lan kulit njabané digawé saka glepung kanji. Jajanan kang dhapuré bunder iki rasané pedhes banget, iku kang nggawé béda karo jajanan liyané. Olos akèh didol ing Slawi, Banjaran, lan Adiwerna. Wiwit biyèn panganan iki didol ing sekolah-sekolah. Sing tuku ya isiné bocah sekolah, dinggo jajanan wektu lagi ngaso. Nanging saiki wis akèh sing dodolan olos bebarengan karo dodol panganan sing digoreng liyané kaya ta tempe glepung, tahu aci, bakwan, mendoan, kempong lan liyané. Didol ing pinggir-pinggir dalan kutha Slawi, Banjaran lan sakupengé.