Padhépokan Seni Bagong Kussudiardja
Padhépokan Seni Bagong Kussudiardja punika griya budaya ingkang mapan wonten ing Dhusun Kembaran, Désa Tamantirto, Kacamatan Kasihan, Kabupatèn Bantul, Yogyakarta [1]. Padhépokan punika dipun-kelola déning Yayasan Bagong Kussudiardja (YBK) inggih punika satunggaling lembaga nirlaba ingkang ngemunah aset padhépokan seni minangka rumah budaya tinarbuka ingkang gadhah ancas kanggé ngraketaken lan yasa sarenging seni wonten ing masarakat [2].
Padhépokan Seni ingkang mapan wonten ing celakipun Gunung Sempu punika dados dalemipun para seniman. Ing padhepokan mriki gadhah ruang multifungsi wujud studio ageng, studio arena, lan satunggal studio ingkang dipunyasa kados pendhapa. Kajawi punika wonten ing papan punika ugi wonten studio rekaman audio-digital, ruang kanggé gladhèn musik karawitan[3].
Sajarah besut
Bagong Kuddudiardja punika satunggaling seniman lan budayawan ageng ing Indonésia ingkang sampun kasil anggènipun ngembangaken visi kabudayan kanthi ancas yasa bangsa kanthi médhia seni. Aktivitas seni lab budaya Bagong Kuddudiardja dipunwujudaken wiwit saking taun 1950-an, dumugi jumenengipun lembaga pendidikan seni non-formal ing taun 1978. Ing taun 2004, Bagong Kuddudiardja séda kanthi mawisaken satunggaling padhépokan seni[1].
Wiwitanipun, Padhépokan Seni Bagong Kussudiardja jumeneng wonten ing papan kanthi wiyar 5.000 m2 punika rumiyinipun papan kanggé gladhèn nari Bagong Kussudiardja ingkang madeg ing taun 1958. Awit saking punika, kathah para penari ingkang medal saking mriku, saéngga Bagong Kussuadiarja gadhah kekajengan yasa papan ingkang saged kanggé gladhèn seni. Pungkasan ing tanggal 3 Oktober jumeneng kanthi resmi satunggaling Padepokan seni ingkang dados kebanggaanipun seniman Yogyakarta. Ing taun 2004, Bagong Kussudiardja séda[1].
Program rutin besut
Punika program-program adicara ingkang rutin dipunwontenaken ing Padhépokan Seni Bagong Kussudiardja:
- Jagongan Wagèn: inggih punika program pagelaran lan apresiasi karya seni pertunjukan ingkang dipunwontenaken kanthi tinarbuka lan rutin saben wulan ing Griya budaya YBK. Kanthi program punika dados sarana kanggé mbagi ngèlmu, ènergi kréatif, lan kréativitas. Jagongan punika ateges kagiyatan kempalan lajeng omong-omongan kanthi swasana ingkang nyanté. Déné wagèn punika saking tembung dinten pasaran wage[1].
- Among sadulur: meika ngginakaken seni pertunjukan minangka sumber piwulangan lan aktivitas kanthi basis seni ingkang ngangkat lan ndhèrèkaken masarakat ing kiwa-tengené kaliyan seniman. Program Among sadulur punika kapérang dados 2 kagiyatan utami inggih punika Anjangsana (apresiasi seni kanthi wujud pagelaran karya seni ingkang ngandhut nila piwulangan dhateng masarakat) lan among seni (aktivitas kanthi basis seni kanthi langsung lan aktif lan ndhèrèkaken masarakat supados ngolah daya kreativitas)[1].
Cathetan suku besut
- ↑ a b c d e [1] Archived 2012-11-15 at the Wayback Machine., (id) Padepokan Seni Bagong Kussudiardja (dipun-akses tanggal 01 Januari 2013)
- ↑ [2] Archived 2013-05-25 at the Wayback Machine., (id) http://www.ybk.or.id/ Archived 2013-05-25 at the Wayback Machine. Yayasan Bagong Kussudiardja (dipun-akses tanggal 01 Januari 2013)
- ↑ [3], (id) Padepokan Seni Bagong Kussudiardja (YBK) (dipun-akses tanggal 01 Januari 2013)