Papan Anggegana Internasional Changi

Papan Anggegana Internasional Changi (IATA: SIN, ICAO: WSSS, FAA LID: SIN) ya iku papan anggegana kang manggon ing Singapura. Papan iki kalebu salah siji papan anggegana kang ramé dhéwé ing donya amarga akèhé panumpang lan angkutan barang. Sakliyané iku, papan anggegana iki dadi panggayut antara papan anggegana siji lan liyané ing Asiah. Pernahé papan anggegana iki ana ing sisih wétan Singapura lan diyasa sakèhé ing lemah réklamasi. Papan anggegana iki dibuka kanthi resmi ing tanggal 29 Desember 1981.[4]

Papan Anggegana Internasional Changi Singapura
Ringkesan
Jinis papan anggeganaPublik lan militèr
Kang bakuPamaréntah Singapura[1]
Kang nglakokakéChangi Airport Group Pte Ltd
NgladèniSingapura
PernahChangi, Laladan Wétan
Buka29 Dhèsèmber 1981
Sambungan menyang
Élevasi MISLS22 ft / 7 m
Situs wèbwww.changiairport.com
Sana playu
Ener Dawa Palumahan
ft m
02R/20L 13,123 4,000 Bitumèn/Aspal
02C/20C 13,123 4,000 Bitumèn/Aspal
02R/20L 13,123 4,000 Bitumèn/Aspal
Statistik (2012)
Panumpang51,181,804
Angkutan barang/kargo (ton)1,806,225
Montor mabur324,722
Sana Grup Papan Anggegana Changi Airport ,[2] ACI[3] Singapore AIP

Lumakuné besut

Papan Anggegana Internasional Changi diyasa déning padunung pakunjaran ing Perang Donya II saka taun 1943 nganti 1944. Tentara angkatan udara karajan jupuk kemunahé papan anggegana iki ing taun 1946. Ing taun iku, papan kanggo maburé montor mabur kapernah ing lor-wétan Singapura kang awujud landhesan tanpa aspal lan suket kang tipis. Padunung pakunjaran Jepang banjur nambahaké pelat waja bolong ing jalur wétan-kulon lan nguwataké landhesan ing lor-kidul. Ing wiwitan tahun 1970, Papan Anggegana Paya Lebar (papan anggegana padunung) ora amot kanggo ngladi panumpang. Mula, dibutuhaké papan anggegana kang ora ngganggu sawenèh rantaman pambangunan. Banjur dipilih laladan Changi kanggo papan anggegana anyar. Ing taun 1975, papan anggegana Changi wiwit diyasa kanthi banyu sagara kang diurug lemah (reklamasi) ambané 8,7 km parsagi. Saluran banyu uga diyasa kanggo ngowahi miliné banyu saka telung kali ing sakcedhaké papan anggegana, ya iku: Kali Tanah Merah Besar, Kali Ayer Gemuroh, lan Kali Mata Ikan. Pambangunan papan anggegana iku diperang ing rong wanci. Wanci I direncanakaké rampung ing 1981 lan Wanci II direncanakaké rampung ing tengahé taun 1980-an. Béya ing wanci I arep 1 milyar dollar Singapura. Papan Anggegana Internasional Changi lumakuné kapisan ing 1 Juli 1981 lan kanthi resmi dibuka 5 sasi sakwisé, 29 Dhèsèmber 1981. Jadwal mabur montor mabur kapisan ya iku SQ 101, kang ngangkut 140 panumpang saka Kuala Lumpur, Malaysia, kang mudhun ing jam 7.10 tanggal 1 Juli 1981. Montor mabur kapisan kang mabur ya iku SQ 192, ing dina kang padha nuju menyang Penang, Malaysia.[4]

Angkutan kang gegayutan besut

Antara terminal siji lan liyané besut

Terminal 1, 2 lan 3 kagayut déning jalur sepur layang (Skytrain). Sepur layang iki bisa kanggo sarana transportasi transit lan masarakat. Wektu lakuné sepur layang iki ya iku jam 06.00 nganti 24.00. Sepur layang iki léwat saben 4 menit, lan duwéni wektu lumakuné menyang paran 4 menit. Sakliyan numpak sepur layang, para wisatawan bisa pindah antara terminal siji lan liyané kanthi lumaku lan lewat jembatan Jewel.[5]

Menyang jaba papan anggegana besut

Mass Rapid Transit besut

Mass rapid transit (MRT) salah sawijining wahana kang ditawarké kanggo nuju sawnèh papan ing Singapura. Jalur MRT iki nganggo jalur East West lan stasiyun Tanagh Merah. Setasiyun MRT Papan Anggegana Changi kapernah ing antarané Terminal 2 lan Terminal 3.[6]

Taksi besut

Leladén taksi bisa ditemoni ing saben terminal. Ladénan iki ditambahi béya menawa saka papan anggegana.[7]

Bus besut

Bus kutha kang nuju hotel-hotel ing punjeré kutha duwéni béya 9 Dollar Singapura kanggo wong dhéwasa lan 6 Dollar Singapura kanggo bocah-bocah (sakngisoré 12 taun). Bus iki mangkat saben 30 menit. Menawa arep menyang Changi Business Park bisa numpak kanthi gratis kanthi paran kapisan lan ladénan kapisan. Ladénan iki lumaku saka Senin nganti Jemuwah, lan dudu préinan nasional.[8]

Nyéwa kendaraan besut

Panumpang bisa nyéwa kendaraan ing saben terminal. Pratélan iki ngandaraké sawenèh cara nyéwa kendaraan ing aben terminal:[9]

  • Terminal 1: Lumaku menyang dalan jero lemah, banjur lumaku nurut tulisan "Arrival Pick-up" lan nuju marang lift utawa elevator menyang dalan jero lemah sakwisé jupuk barang bagasi. Menawa nganggo mobil, jupuk jalur tengah lan nuju Terminal 1 kanggo teka, banjur milih dalan sebelah tengen lan mudhun ing papan "Terminal 1 Arrival Pick-up".
  • Terminal 2: Lumaku nurut tulisan "Arrival Pick-up" kang kapernah ing lanté 1 Coach Stand. Menawa nganggo mobil, jupuk jalur sisih tengen lan nuju Terminal 2, banjur nurut tenger lumebu ing Terminal 2, banjur muter balik lumantar papan ngedhukké panumpang Terminal 2.
  • Terminal 3: Lumaku nurut tulisan "Arrival Pick-up", banjur mudhun nganggo éskalator menyang papan ngisor lemah 1 sakwisé njupuk barang ing bagasi. Papan séwané ing lawang 1, 2, lan 3. Menawa nganggo mobil, pilih dalan ing boulevard papan anggegana, lan milih jalur sisih tengen kang nuju menyang Terminal 3. Nurut tenger 'Arrival Pick-up' lan jupuk jalur sisih tengen ing dalan ngisor lemah.
  • Terminal 4: Papan kanggo nyéwa iki kapernah ing lanté 1 lawang 1 nganti 3. Menawa péngin lumaku bisa dituju kanthi cara nurut tulisan "Arrival Pick-up" lsakwisé jupuk barang ing bagasi.

Stastistik besut

Panumpang kang nuju utawa mampir ing Papan Anggegana Internasional Changi ing taun 1998–2018 (yuta)
Dianyari nalika 9 Februari 2020

Rujukan besut

  1. The Official Site of Archived 2011-12-03 at the Wayback Machine.. Changi Airport Group. Retrieved on 2012-08-15.
  2. "air traffic statistics". Changi Airport Group. Diarsip saka sing asli ing 2015-10-22. Dibukak ing 8 Novèmber 2011.
  3. "Passenger Traffic 2010 FINAL". Airports.org. 1 Agustus 2011. Dibukak ing 8 Novèmber 2011.
  4. a b "Changi Airport". eresources.nlb.gov.sg. Dibukak ing 2020-06-25.
  5. "Transfer Between Terminals & Jewel, Singapore Changi Airport". www.changiairport.com (ing basa Inggris). Dibukak ing 2020-06-26.
  6. "UrbanRail.Net > Asia > Singapore > Singapore MRT (Metro)". www.urbanrail.net. Dibukak ing 2020-07-01.
  7. "Surcharges". www.cdgtaxi.com.sg. Dibukak ing 2020-07-01.
  8. "Shuttle Services, Singapore Changi Airport". www.changiairport.com (ing basa Inggris). Dibukak ing 2020-06-26.
  9. "Pick-up Points Singapore Changi Airport". www.changiairport.com (ing basa Inggris). Dibukak ing 2020-07-01.