Pasisir Pandhansima

Pasisir Pandhansima (ꦥꦱꦶꦱꦶꦂꦥꦤ꧀ꦝꦤ꧀ꦱꦶꦩ) dunungkipun wonten dhuwun Ngentak, Poncosari, Srandakan, Bantul, Daerah Istimewa Yogyakarta. Andhedhasar pandhapuking nama pasisir menika asalipun saking tembung pandhan ingkang ateges tetuwuhan witipun saem nanas, déné Sima ateges macan. Pasisir Pandhansima minangka pasisir ing wewengkon Bantul ingkang paling kilen tapel watesipun kalihan wewengkon Kulon Progo. Ngadhahi garis pasisir sadawané 1,5 kilometer ingkang cekap rata tinimbang pasisir sanes ing sakiwa tengenipun. Tanduran cemara udang ugi kathah kaprangguli ing Pasisir Pandhansima menika.

Kawontenan Pasisir Pandhansima

Wiwit jaman rumiyin rikala jaman Hamengkubuwana VII pasisir Pandhansima dipunginakaken kanggé laku tirakat pramila dumugi ing wekdal menika taksih kaprangguli manéka papan panggenan patilasan wonten ing ana sacedhakipun pasisir menika. Ananging, kawontenan Pasisir Pandhansima wekdal samenika boten dipunginakaken kangge papan wisata utawi papan plesir malih jalaran sampun boten dipunupakara déning para masarakat. Kahanan pasisir Pandhansima ugi mrihatosaken sanget awit boten diupakara kanthi resik pramila kathah sanget uwuh-uwuh ingkang sumebar ing sakupenging pasisir. Wonten ugi uwuh ingkang sumebar ing sapinggiring pasisir kados plastik botol ugi bungkus panganan. Sasanesipun uwuh ingkang pating slebar ugi kathah wewangunan (bangunan) tilas papan kangge dol-tinuku ingkang rubuh gedhengipun mlorot, pakiwan ingkang risak lawangipun, lan langgar kanggé salat ugi sami rubuh risak jalaran jalaran boten kanggé malih déning para pengelola papan wisata Pasisir Pandhansima.

Wondéné, sawétanipun Pasisir Pandhansima ugi wonten Pasisr Baru ingkang saged dados gantosing papan wisata pasisir. Sanèsipun mangétan pasisir menika taksih kaprangguli pasisir sanèsipun ingkang saged kaginakaken kanggé wisata utawi plesir pilihan kulawarga ingkang ngremenaken.

Papan Patilasan Sacedhake Pasisir Pandhansima

1. Patilasan Pandhansima

2. Patilasan Pandhanpayung

3. Patilasan Pandhansari

4. Patilasan Pandhansegegek Archived 2023-09-27 at the Wayback Machine.

Papan Wisata Sacedhaking Pasisir Pandhansima

Pratelan

Pantai Pandansimo Archived 2023-10-09 at the Wayback Machine.. Bantulpedia. Diakses pada 15 September 2023.
Pandansimo Baru Salah Satu Tujuan Wisata Pantai di Bantul Yang Ideal. bantulkab.go.id. Diakses pada 15 September 2023.