Peradaban lembah Kali Kuning
Peradaban lembah Kali Kuning ya iku peradaban kang muncul ing lembah Kali Kuning (Hwang Ho utawa saiki diarani Huang He).[1] Kali Hwang Ho diarani Sungai Kuning amarga gawa blethok kang wernane kuning sadawané alirane.[1] Sumber kali Kuning iki ya iku Pegunungan Kwen-Lun ing Tibet lan mili ngliwati laladan Pagunungan Cina Lor nganti mbentuk dataran cendhèk lan akhire ana tekan Teluk Tsii-Li, Sagara Kuning.[1] Ing laladan lembah kali kang subur iki kabudayan bangsa Cina kawiwitan. Ing sajarah, laladan iki ngangelake masarakat Cina kuna kanggo nindakaké aktivitas uripé amarga dadine es ing mangsa es lan nalika es wiwit mbanyu bakal ana banjir lan banyu rob.[1] Akèh tantangan kang ndorong bangsa Cina dadi mikir kepriye carané ngatasi prakara mau.[1] Pungkasane bangsa Cina yasa tanggul raksasa ing kali mau.[1] Masarakat Cina lumrahé nandur gandum,pari, tèh, jagung, lan dhelé.[2] Kegiyatan pertanian Cina Kuno pancen wis dikenal kawit jaman Neolitikum (± 5000 SM) lan tuwuhan pangan utama kang ditandur ya iku pari.[2] Ing jaman perunggu, prioritas pokok ing pertanian rakyat Cina ya iku teh, dele, lan rami.[2] Kegiyatan pertanian ngalami kemajuan pesat ing pamaréntahan Dinasti Qin (221-206 SM).[2] Ing mangsa iku, masarakat Cina wis ngecakaké sistem pertanian kang intensif kanthi migunakaké rabuk, irigasi kanthi apik, lan ngambaake lahan gandum.[2]
Cathetan suku
besut- ↑ a b c d e f (Inggris)Albert Hyma, Mary Stanton, Michael McHugh (1992). Streams of Civilization: Earliest Times to the Discovery of the New World. Christian Liberty Press. ISBN 978-1-930367-43-2.
- ↑ a b c d e (Inggris)Yi-Fu Tuan (2008). A Historical Geography of China. Aldine Transaction. ISBN 978-0-202-36200-7.