Perang Révolusi Amérika

Perang Révolusi Amérika (1775–1783)—uga dikenal minangka Perang Kamardikan Amérika—iku sawijining perang sing kadadéan antara Britania Raya lan para pendhukung révolusi saka 13 koloni Britania ing Amérika Lor. Ka-13 koloni iku yakuwi koloni New Hampshire, koloni Massachusetts, koloni Rhode Island, koloni Connecticut, koloni New York, koloni New Jersey, koloni Pennsylvania, koloni Delaware, koloni Maryland, koloni Virginia, koloni North Carolina, koloni South Carolina, lan koloni Georgia. Perang sing banjur ngambra-ambra nganti tekan njaba Amérika Lor Britania (British North America) iki rampung kanthi dibusaké kakuwasan Britania marang katelulas koloni mau lan diwangun nagara Amérikah Sarékat.

Istilah Perang Révolusi utawa Révolusi Amérika uga sok dipigunakaké kanggo tegesé prastawa iki—sanadyan sing pungkasan uga kalebu perkembangan pulitik lan sosial sadurungé lan sawisé perang mau.

Latar wuri perang yakuwi amarga Perang Pitung Taun antara Britania Raya lan Prancis (1756-1763) ngrebutaké Quebec sing dimenangaké déning Britania.