Peter Tosh lan Robbie Shakespeare, Bush Doctor Tour, Cardiff, 1978

Peter Tosh lair ing Westmoreland, Jamaica tanggal 19 Oktober 1944 lan séda ing Kingston, Jamaika tanggal 11 September 1987.[1] Piyambaké nduwé jeneng asli ya iku Winston Hubert McIntosh.[1] Penyanyi Reggae saka Jamaika iku jinis musiké ya iku Political Reggae lan Roots Reggae.[1]

Peter Tosh tau njurung kanggo nglegalké ganja liwat laguné. Jalaran bab iku piyambaké tau dicekel pulisi lan disiksa pulisi Jamaika.[2]

KarirBesut

Piyambaké digedhèkné karo buliké lan ninggal omahé wektu remaja kanggo lunga ana ing Kingston, Jamaika, sing uga dikenal minangka Trenchtown.[3] Piyambaké péngin dadi musisi kaya akèh-akèhé arèk enom Jamaika.[3] Wusana ing kana piyambaké ketemu karo Joe Higgs sing gelem ngajarké musik gratis kanggo arèk-arèk enom.[3] Ndèk kutha iku uga piyambaké tepang karo Bob Marley lan Bunny Wailer.[3] Kejaba dadi penyanyi piyambaké uga nyerat lagu sing dadi populer ya iku sing sesirahé 400 Years, Get Up Stand Up, No Symphaty lan Stop That Train.[3] Piyambaké uga pinter mainaké gitar.[3]

Cathetan sukuBesut

  1. ^ a b c "Peter Tosh Biography". www.allmusic.com. http://www.allmusic.com/artist/peter-tosh-mn0000328014/biography. Diwiwiti 19 August 2016.
  2. ^ "Sajarah Musik Reggae". www.indoreggae.com. http://www.indoreggae.com/artikel4.html. Diwiwiti 19 August 2016.
  3. ^ a b c d e f "Biografi Peter Tosh". www.reggaefara.wordpress.com. https://reggaefara.wordpress.com/2011/04/12/biografi-peter-tosh/. Diwiwiti 19 August 2016.