Pinisi

Pinisi ya iku kapal layar tradhisional khas saka Indonésia, kang asalé saka Suku Bugis lan Suku Makassar ing Sulawesi Kidul. Kapal iki lumrahé duwé cagak utama loro lan duwé layar pitu, ya iku telu ing pucuk ngarep, loro ing ngarep, loro ing buri; lumrahé dienggo kanggo ngangkud barang antar pulo. Pinisi ya iku kapal layar kang nganggo jinis layar sekunar kang diwènèhi pitung lembar layar kang duwé arti yèn to nenek moyang bangsa Indonésia bisa ngliwati pitung samodra gedhé ing donya.

Pinisi ing pelabuhan Paotere, Makassar

Gambar Pinisi type Lamba

Pinisi Lamba nganggo mesin

Sajarah

Kapal kayu Pinisi wis dienggo ing Indonésia wiwit pirang-pirang abad kapungkur, kapal pinisi dianggep wis ana wiwit sadurungé taun 1500-an. Miturut naskah Lontarak I Babad La Lagaligo ing abad kaping 14, Pinisi pisanan digawé Sawerigading, Putera Makutha Karajan Luwu kanggo menyang nagari Tiongkok kanggo nglamar Putri Tiongkok kang duwé jeneng We Cudai.

Sawerigading kasil lunga menyang nagari Tiongkok lan nggarwa Puteri We Cudai. Sawisé mapan suwé ing nagari Tiongkok, Sawerigading balik ing kampung lan nggunakaké Pinisiné ing Luwu. Nalika arep lumebu wewengkon Luwu kapal diterak ombak gedhé lan Pinisi sigar dadi telu lan kerem ing désa Ara, Tanah Beru lan Lemo-lemo. Masarakat ing telung désa iku mau banjur ngrakit pecahan kapal kang sigar dadi perahu kan banjur dijenengaké Pinisi.