Playon
Playon inggih punika buku kempalan geguritan ingkang dipunanggit déning sastrawan F. Aziz Manna, kababar déning Penerbit Grasindo, taun 2016. Buku ingkang kandelipun wolung dasa kaca, kanthi nomer ISBN 978-602-37-5760-2 punika nglantaraken namanipun Aziz Manna nampèni bebungah Kusala Sastra Khatulistiwa taun 2016 ing kategori Geguritan. Bebungah ingkang sami, taun punika kaparingaken dhumateng Yusi Avianto Pareanom kanthi pakaryanipun, Raden Mandasia Si Pencuri Daging Sapi ing kategori Prosa.[1][2][3][4]
| Barkas:Playon.jpg | |
| Panganggit | F. Aziz Manna |
|---|---|
| Basa |  Indonésia |
| Gènre | Puisi |
| Pangecapan | Penerbit Grasindo |
Kala babar | 28 Novèmber 2016 |
| Kaca | 80 halaman |
| ISBN | 978-602-37-5760-2 |
Latar wingking
besutPlayon anggitanipun F. Aziz Manna inggih punika buku kempalan geguritan ingkang saget kawastanan mboten limrah, mliginipun saking bab nasib. Buku punika, mula bukanipun, kababar winatesan déning Dewan Kesenian Jawa Timur sasampuné piyambakipun menang ing Sayembara Panyeratan Geguritan, ing taun 2015. Salajengipun, Aziz Manna masrahaken naskah anggitanipun dhumateng juru babar Pagan Press, ingkang dumunung wonten ing Lamongan saperlu dipuncithak malih. Sabanjuripun, Plaon malih-malih manggihi nasib saé kanthi nglantaraken namanipun Aziz nampèni bebungah Kusala Sastra Khatulistiwa ingkang dipuncakaken taun 2016, ing kategori Geguritan, sarta dipuncithak malih déning Penerbit Grasindo.
Sedaya geguritan ing salebetipun buku Playon punika kagolong prasaja lan ngginakaken tembung saben dintenipun, nanging tetep kasisipaken satunggalipun narasi ingkang ngemu teges saèstu jero. Kanthi ngginakaken basa tlatah ingkang radi kathah (kados déné latar kapribadhènipun panganggit ingkang saking Jawi), kasil meksa para pamaos supados saget mangertosi tegesipun, sinambi mriksani glosarium ingkang kacawisaken ing sisih wingkingipun buku. Playon (dipundhut saking basa Jawi) awujud salah satunggalipun geguritan ingkang kapundhut minangka judhul Main, Ajang Barang, lan Laku inggih punika tigang prakawis utami ingkang kaangkat ing buku punika.
Ugi pirsani
besutRujukan
besut- ↑ Pengen Buku Playon, kumpulan puisi Archived 2017-06-28 at the Wayback Machine., dipundhut 9 Fèbruari 2017
- ↑ Good Reads Playon, dipundhut 9 Fèbruari 2017
- ↑ Agregator Klias buku Plaon Archived 2022-01-25 at the Wayback Machine., dipundhut 9 Fèbruari 2017
- ↑ CNN Indonesia Raden Mandasia dan Playon raih KSK, dipundhut 9 Fèbruari 2017
| Artikel iki minangka artikel rintisan. Kowé bisa ngéwangi Wikipédia ngembangaké. |