Yusi Avianto Pareanom
Yusi Avianto Pareanom (lair ing Kutha Semarang, Jawa Tengah, 9 Novèmber 1968; umur 55 taun) inggih punika salah satunggalipun sastrawan saking Indonesia. Namanipun misuwur ing jagat kasusastran Indonesia lumantar pakaryanipun awujud novèl lan carita cekak ingkang sampun dipunmot wonten sawenèh ariwarta lan kalawarta. Awit saking kaprigelanipun, Yusi Avianto naté nampi bebungah saking Kusala Sastra Khatulistiwa taun 2016 ing kategori Prosa, miyos pakaryanipun, Raden Mandasia Si Pencuri Daging Sapi.[1][2][3][4][5][6][7] Tahun ingkang sami, KSK ugi maringi bebungah dhumateng F. Aziz Manna ing kategori Geguritan, miyos pakaryanipun, Playon.
| Yusi Avianto Pareanom |
|---|
Latar wingking besut
Yusi Avianto Pareanom lair ing Kutha Semarang, Jawa Tengah, surya 9 wulan November 1968. Piyambakipun nyerat sapérang buku fiksi lan nonfiksi. Buku fiksi pakaryanipun ingkang sampun kababar antawisipun Rumah Kopi Singa Tertawa (2011) lan Grave Sin No. 14 and Other Stories (2015, kajawi kababar wonten ing basa Indonesia, ugi kapertal wonten basa Inggris lan Jerman). Yusi nembé kemawon katetepaken minangka salah satunggalipun anggota Dewan Kesenian Jakarta. Kajawi nyerat pakaryan sastra, piyambakipun ugi nelatèni minangka juru besut lan juru pertal pakaryan manca nagari dhumateng basa Indonesia. Ing wulan Maret 2016, Yusi Avianto Pareanom mbabar novèlipun jejudhul Raden Mandasia Si Pencuri Daging Sapi. Novèl punika ugi ingkang nglantaraken piyambakipun nampi bebungah saking Kusala Sastra Khatulistiwa ing kategori Prosa.
Pakaryan besut
- Rumah Kopi Singa Tertawa (2011)
- Grave Sin No. 14 and Other Stories (2015)
- Raden Mandasia Si Pencuri Daging Sapi
Ugi pirsani besut
Rujukan besut
- ↑ Medium Mandasia Si Pencuri Daging Sapi, kapundhut tanggal 4 Fèbruari 2017
- ↑ Good Reads Mandasia Si Pencuri Daging Sapi, kapundhut tanggal 4 Fèbruari 2017
- ↑ Bisikan Busuk Raden Mandasia si Pencuri Daging Sapi Archived 2017-02-04 at the Wayback Machine., kapundhut tanggal 4 Fèbruari 2017
- ↑ Claudialiberani Review buku Raden Mandasia Si Pencuri Daging Sapi Archived 2017-02-04 at the Wayback Machine., kapundhut tanggal 4 Fèbruari 2017
- ↑ Kusala Sastra Khatulistiwa Daftar Pemenang[pranala mati permanèn], kapundhut tanggal 4 Fèbruari 2017
- ↑ Republika Yusi Avianto Pareanom, kapundhut tanggal 4 Fèbruari 2017
- ↑ Experoscs Bincang Sastra Bersama Yusi Avianto Archived 2017-02-04 at the Wayback Machine., kapundhut tanggal 4 Fèbruari 2017
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |