Politèknik ATMI Surakarta

pawiyatan luhur ing Surakarta, Jawa Tengah

Politèknik ATMI Surakarta (ATMI) Surakarta (jeneng lawas Akademi Tehnik Mesin Industri Surakarta) iku sawijining pawiyatan luhur politèknik babagan tèknik mesin kang madeg wiwit taun 1968 ing sangisoré naungan Yayasan Karya Bakti Surakarta. Politèknik ATMI Surakarta wujud institusi pendhidhikan dhuwur kang konsèntrasi marang pendhidhikan vokasi ing babagan manufaktur (mesin indhustri) ing Indonésia kang ngadopsi modhèl pendhidhikan dual system saka Jerman lan Switserlan. Politeknik ATMI Surakarta madeg sepisanan ing taun 1968 kanthi jeneng ATMI (Akademi Tehnik Mesin Industri) lan wiwit madeg wis migunakaké sistem pendhdhikan mawa basis prodhuksi utawa PBET (Production Based Education and Training). Lulusan Politeknik ATMI Surakarta tansah diselarasaké karo kabutuhan donya indhustri amarga pendhidhikan ing Politeknik ATMI Surakarta maringi bekal marang mahasiswa supaya dadi ahli madya kang trampil lan duwé karakter. Politeknik ATMI iku institusi pendhidhikan satingkat universitas ing Indonésia kang pisanan olèh sertifikat penjaminan mutu ISO sajeroning babagan edhukasi lan prodhuksi. Penjaminan mutu ISO 9001:2000 iki digayuh wiwit 21 September 2001 lan pamatrapé tansah diaudit saben taun. Panyelarasan marang standard ISO 9001:2008 wis ditindakaké ing tanggal 18 Mèi 2010 kanthi nomer sertifikat 01 100 075858 lan 01 100 075859. Politeknik ATMI duwé 3 program studi, ya iku: Teknik Mesin Industri, Teknik Mekatronika, sarta Teknik Perancangan Mekanik lan Mesin. Saliyané fokus marang pendhidhikan lan prodhuksi, Politeknik ATMI uga aktif sajeroning babagan pelatihan/ training, dadi konsultan politeknik lan program-program liya kaya déné I-Cell (Business Incubator), Bizdec (consultancy), Sala Techno Park (teaching factory, training center), lsp. Angkahé Politeknik ATMI supaya dadi pusat pangembangan tèknologi manufaktur paling ngarep ing Indonésia lan duwé prabawa kanthi nasional lan internasional.

Politèknik ATMI Surakarta (Akademi Teknik Mesin Industri Surakarta)
ATMIsurakarta.png
LokasiSurakarta
Situs webhttp://www.atmi.ac.id

Pranala njaba besut