Pompa bènsin
Pompa bènsin utawa sing lumrah karan pom bènsin ya iku sarana kanggo ngisi bènsin yèn tetumpakan sing nganggo mesin kentèkan bènsin. Pom bénsin resminé nganggo istilah SPBU, utawa Stasiun Pengisian Bahan Bakar Umum. Jinising bahan bakar sing disedhiyani pom bènsin lumrahé ana bènsin kanggo montor lan pit montor sarta solar kanggo bis lan prahoto. Pom bènsin lumrahé ora mung panggon kanggo ngisi bènsin waé nanging uga sarana ngisi angin, lérèn, solat, lan ngising. Kadang kala ana pom bènsin sing nyedhiyakaké sarana pasar cilik. Ing Indonesia nalika biyèn, pom bènsin mung diduwèni PT.Pertamina, ya iku badan pangudiné pamarèntah sing ngurus babagan lenga lan gas bhumi. Nanging, nalika jaman reformasi, badan usaha saka mancanagara uga bisa bukak pom bènsin. Nganti saiki, perusahaan sing duwé usaha pombensin kaya ta Shell, Petronas, lan Total. Nanging, sing paling akèh lan kesebar ing pelosok Indonesia iku iya pom bènsin pertamina.
