Prajanjèn Internasional

Perjanjèn Nagarantara, pangertosan perjanjèn nagarantara iku manéka warna kaya hukum, poltik, lan ngèlmu ngèlmu sosial liyané.

Tegesé Perjanjèn Nagarantara

• Miturut Prof Dr. Mochtar Kusumaatmadja, S.H., L.L.M.

Perjanjèn nagarantara ya iku perjanjèn sing diadani antarbangsa sing duwé ancas kanggo nyiptaké akibat-akibat hukum tartamtu.

• Oppenheimer-Lauterpacht

Perjanjèn nagarantara ya iku salah sawijining paserujukan antarnagara sing nuwuhaké hak lan kewajiban ing antarané pihak-pihak sing nganakaké.

• G. Schwarzenberger

Perjanjèn nagarantara ya iku salah sawijining paserujukan antarané subjek-subjek hukum nagarantara sing nuwuhaké kewajiban-kewajiban sing nalèni ing sajeroning hukum inernasional. Perjanjèn nagarantara bisa wujud bilateral lan multirateral. Subjek-subjek hukumé ya iku kajaba lembaga-lembaga nagarantara, uga nagara-nagara.

• Konferensi Wina taun 1969

Perjanjèn nagarantara ya iku perjanjèn kang diadani déning 2 nagara utawa luwih, kang ancasé kanggo nganakaké akibat-akibat hukum tartamtu.

Jinisé Perjanjèn Nagarantara

1. Perjanjèn Bilateral

Perjanjèn iki sipate mligi treaty contract mung ngatur urusan 2 nagara. Mula perjanjèn bilateral sipaté uga katutup, tegesé katutup kanggo nagara liya kang bisa mèlu urusan negar kaloro.

Tuladhané:

• Perjanjèn antarané Républik Indonésia karo Cina ing taun 1955 ngéngingi ngrampungké dwikewarganagaraan.
• Perjanjèn antarané Indonesia karo Muangthai ngéngingi "Garis Wates Laut Andaman" ing sisih lor Selat Malaka ing taun 1971.
• Perjanjèn "ekstradisi" antarané Républik Indonésia lan Malaysia ing taun 1974.
• Perjanjèn antarané Républik Indonésia lan Australia ngéngingi pertahanan lan keamanan wewengkon nagara kaloro ing tanggal 16 Désèmber 1995.

2.Perjanjèn Multirateral

Perjanjèn iki asring karan law making treaties amarga racaké ngatur prakara-prakara sing nyangkut kepentingan umum lan asipat kabuka. Perjanjèn multirateral ora mung ngatur kepentingan nagara-nagara sing nganakaké, uga kepentingan nagara liya sing mèlu (ora peserta)ing sajeroning perjanjèn multirateral mau.

Tuladhané:

• Konvensi Jenewa, taun 1949 ngengingi "Perlindungan Kurban Perang"
• Konvensi Wina, taun 1961 ngengingi "Hubungan Diplomatik"
• Konvensi Hukum Laut Nagarantara taun 1982 ngengingi "Laut Teritorial, Zona Bersebelahan, Zona Ékonomi Eksklusif, lan Landas Bawana".

Batalé Perjanjèn Nagarantara

• Ana sing nglanggar.
• Ana sing ora jujur.
• Ana pihak sing dirugèkaké.
• Ana sing ngancam saka pihak sijiné.

Entèké Perjanjèn Nagarantara

• Ilangé salah sijiné pihak.
• Entèké wanciné perjanèn.
• Salah sawijiné pihak péngèn ngebari lan disarujuki déning pihak kaloro.
• Anané ancaman lan dirugékaké déning pihak sijiné.