Propagandha

Propagandha iku pratélan, mligi kang sipaté sih-sihen, kanggo ngangkat lan mbiwara ancas utawa cara pandeleng pulitik tinamtu. Propagandha iku ana gayutané karo mékanisme psikologis kanggo mrabawa lan ngrobah cara pandelengé wong akèh marang ancas, kéblat, utawa agèndha pulitik tinamtu nedya minangka konsènsus tumrap saprangkat pola kapitayan kang baku.^[1]

Propagandha iku pratélan kang ora adil lan mligi kanggo mrabawani pamirsa lan kanggo agèndha ing tembé mburi, asring kanthi pilih-pilih saperlu nuduhaké kasunyatan (contoné goroh lumantar panyawad) nedya nyantosani sintèsis tinamtu, utawa kanthi pamekas-pamekas kabobot murih éntuk wales émosional, dudu rasional, marang pratélan kang dituduhaké.^[1]

Ing wektu iki, istilah propagandha iku magepokan karo pamarekan jingoistik tur manipulatif, nanging duk nguni propagandha iku istilah dhèskriptif kang nétral.^[1]^[2]

Ètimologi

Propaganda iku tembung Latin modhèren, wujud gèrundhif saka tembung propagare, kang werdiné mratahaké utawa nyebaraké, mula propaganda ateges kang disebaraké.^[3] Purwané, tembung iki asal saka badan administratif anyar ing Gréja Katulik (konggrégasi) kang diyasa ing taun 1622 ingaran Congregatio de Propaganda Fide (Konggrégasi kanggo Nyebaraké Kapitayan), utawa ora resminé ingaran Propaganda.^[2]^[4] Kagiyatan-kagiyatané ngarah "nyebaraké" kapitayan Katulik marang nagara-nagara nir-Katulik.^[2]

Kawit taun 1790-an, istilah iku wiwit dianggo marang kagiyatan-kagiyatan propaganda sèkulèr.^[2] Istilah iku lekas ngemu konotasi péyoratif ing kala tengahan abad ping 19, nalika tembung iku dianggo ing mandala pulitik.^[2]

Pratélan tetembungan

Tegesing tembung-tembung

Ana ing ngisor iki tembung-tembung Jawa kang dianggo ing artikel iki, dikanthèni jarwané ing basa Inggris.

adil - impartial
ancas - cause
baku - standard
cara pandeleng - point of view
diyasa - to be created
goroh - lying
ingaran - to be called
kapitayan - belief
kasuyatan - fact
kéblat - position
mandala - sphere
mrabawa - to influence
ngangkat - to promote
ngarah - to aim
ngrobah - to alter
mbiwara - to publicize
nyantosani - to encourage
pamarekan - approach
pamekas kabobot - loaded message
panyawad - omission
pratélan - information
purwané - originally
sih-sihen - bias
wales - response
werdi - meaning
wujud - form

Cathetan

↑ ^a ^b ^c Smith, Bruce L. (February 17, 2016). "Propaganda". britannica.com. Encyclopædia Britannica, Inc. Dibukak ing April 23, 2016.
↑ ^a ^b ^c ^d ^e Diggs-Brown, Barbara (2011) Strategic Public Relations: Audience Focused Practice p. 48
↑ Bausastra Oxford.
↑ "Online Etymology Dictionary". Dibukak ing 6 March 2015.

[brit_BLS-1] Smith, Bruce L. (February 17, 2016). "Propaganda". britannica.com. Encyclopædia Britannica, Inc. Dibukak ing April 23, 2016.

[Diggs-Brown2011p48-2] Diggs-Brown, Barbara (2011) Strategic Public Relations: Audience Focused Practice p. 48

[3] Bausastra Oxford.

[4] "Online Etymology Dictionary". Dibukak ing 6 March 2015.

[1]

[2]

[3]

[4]